Omnibus ad quos praesens scriptum pervenerit Hugo de Sanford salutem Sciatis me concessisse et in perpetuum quietum clamasse pro me et haeredibus meis totum jus advocationis quod unquam habui vel habere videbar vel habere potui in ecclesiis de Merleberge videlicet in ecclesia S Mariae et in ecclesia S Petri et in ecclesia de [preschet] cum omnibus pertinentiis libertatibus et liberis consuetudinibus earundem et in terra et redditu de Uffecote cum pertinentiis quem canonicus de Blebire et de Merleberge solebat habere Deo et beatae Mariae et venerabili patri Ricardo episcopo et successoribus suis in perpetuum volens et concedens quod idem episcopus et successores sui in perpetuum ordinent et disponant pro voluntate sua de praedictis ecclesiis et de praedicta terra et redditu absque ulla reclamatione mei vel haeredum meorum sicut de aliis ecclesiis suis vel praebendis Ad meam autem praesentationem et haeredum meorum debebunt praedictus episcopus et successores sui admittere [personam] ad ecclesiam de Blebire et habebit semper stallum in choro et in capitulo locum quem habere solebat canonicus de Merleberge et de Blebire Omnes autem cartas privilegia sive instrumenta quae unquam habui vel antecessores mei [...] nullo tempore in aliquo valitura [...] Renuncio etiam pro me et haeredibus meis omnibus impetratis et impetrandis contra hanc concessionem Et praeterea sciendum quod si expediat episcopo aut capitulo suo quod aliquam securitatem eis faciamus ego et haeredes mei omnem quam potuerimus honeste facere ipsis bonorum virorum arbitrio faciemus In cujus rei testimonium praesenti scripto sigillum meum apposui His testibus Ricardo thesaurario Wellensi magistro Hugone de Greneford R G J W P A et multis aliis

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.