Omnibus Christi fidelibus presens scriptum uisuris uel audituris Thomas Rupe de Herferton[] miles eternam in domino salutem Uniuersitati uestre notum facio quod cum dominus prior et conuentus Wigorn[] coram prioribus de Maiori Maluernia et de Eseleg[] et decano Wigorn[] me auctoritate apostolica super perturbatione decimarum suarum maxime earum quas de dominico meo apud Herferton[] percipiunt et percipere consueuerunt et super dampnis aliis et iniuriis sibi et hominibus suis apud Herferton[] a me et per me illatis traxissent in causam ego pro me et heredibus meis in perpetuum bona fide promisi quod de cetero a molestatione et iniusta vexatione prefatorum prioris et conuentus et hominum suorum desistam Et quod in grauamen et preiudicium capituli Wigorn[] circa libertates possessiones aut iura ipsius de cetero nichil attemptare facto dicto aut assensu presumam Quod si fecero et per priorem et conuentum uel eorum balliuos amicabiliter secundum prouisionem bonorum virorum non emendauero liceat eis ad dictorum iudicum examen recurrere Hec autem omnia fideliter obseruanda ego Thomas tactis sacrosanctis ewangeliis iureiurando corporaliter prestito sub pena centum solidorum me astrinxi Concessi etiam pro me et heredibus meis in perpetuum quod dicti iudices iurisdictionem suam reseruent ad compellendum me et heredes meos ad dicte pene solutionem si forte commissa fuerit Et si forte resiliero uel heredes mei a conuentione prefata ipsi de causa premissa cognoscent post pene solutionem et eam obseruato iuris ordine sentencialiter terminabunt Ut autem omnia hec perpetue firmitatis robur optineant ea presenti scripto cum sigilli mei appositione roboraui Hiis testibus domino Mauricio pincerna de Ouresleg[] etc

Source Fulltext: The Cartulary of Worcester Cathedral Priory. R. R. Darlington. Pipe Roll Society, V.76, New Series V.38. Pipe Roll Society. J. W. Ruddock. London. 1968.