Willelmus Dei gratia Eboracensis archiepiscopus Ro[berto] decano et capitulo Sancti Petri Eboracensis omnibusque successoribus suis substituendis cunctisque fidelibus salutem et Dei benedictionem De prebenda T[home] prepositi Beuerlacensis quam ex illis semper fuerit in quibuslibet facile perpendere potest quod nulli unquam possessorum suorum ad uacandum cultui ecclesie nostre uictum licet tenuem amministrare suffecit unde quum negotiis ecclesie nostre exigentibus prefatum Thomam Ebor[acum] uenire sepius sollicitamus ut de prebenda qua ipsum ad nos uenire [et] propter quam pondus diei et estus eum subire cogimus ut ad eundum et redeundum de prefata prebenda saltem aliquod habeat solatium sibi suisque successoribus canonicis ad augmentum prebende de Happelesthorp imperpetuum concedimus uiginti bouatas terre quas Willelmus frater Holdeberti tenet de nobis in Barkeston et Grymeston et decimam dominii et molendini nostri de Milford absolutas et quietas et liberas sicut prebende Eboracensis ecclesie partem eo tamen tenore quod prefatus Willelmus totam tenuram in uita sua liberam et inconcussam teneat sicut unquam melius attentius et liberius eam tenuit

Source Fulltext: Early Yorkshire Charters. W. Farrer. Ballantyne, Hanson & Co. Edinburgh. 1914.