Notum sit omnibus sancte matris ecclesie filiis presentibus et futuris quod ego Rogerus de Eiswell consilio Dei et concessu heredum meorum dedi Deo et sancte Marie et sancto Iohanni Baptiste et beatis pauperibus hospitalis Ierusalem quandam masuram ubi iam mansit Nigellus faber cum domo que super est et cum omnibus appenticiis suis liberam et solutam et quietam ab omni seculari servicio pro salute anime mee et uxorum mearum et Richeri filii mei et omnium parentum et amicorum meorum vivorum et mortuorum Quare precor vos omnes quicumque istud audieritis quatinus pro amore Dei et salute animarum nostrarum istud diligatis manuteneatis et non paciamini pro posse vestro ut aliquis huic predicte mee elemosine aliquam iniuriam vel violenciam inferat quatinus Dominus noster Iesus Christus in celesti Ierusalem nos et vos collocare dignetur Hec donacio facta fuit anno ab incarnacione Domini millesimo centesimo quinquagesimo tertio Hiis testibus Ernaldo persona ecclesie de Finchingefeld Gilberto vicario eius Gaufrido sacerdote de Welderesfeld

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.