Notum sit omnibus has literas uisuris uel audituris quod ita conuenit inter priorem et conuentum de Giseburna ex una parte et Emmam filiam Gikelli de Aluertona in libera potestate constitutam ex altera quod murus tam lapideus quam terreus erectus in confinio terrarum suarum in Aldewerk remanebit predicto priori et conuentui ad utendum et edificandum libere et quiete imperpetuum ex altera parte ita tamen quod edificia prioris et canonicorum super murum terreum constructa in eodem statu et loco remanebunt sicut constructa fuerunt tempore huius concessionis et conuentionis nisi forte predicti canonici loco muri terrei murum lapideum uoluerint erigere quia tunc idem murus lapideus communis erit utrique parti sicut et alius Facta est autem conuentio anno incarnationis domini millesimo cc nono apud Eboracum in crastino Sancte Scolastice uirginis Et ut stabilis et firma imperpetuum remaneat eam utraque pars sigillo suo roborauit Hiis testibus Radulfo Nuuell Willelmo Fairefax Thoma filio Hugonis Willelmo filio Othewy Roberto de Seleby Nicholao de Hugate Thoma Palm[er] et multis aliis

Source Fulltext: Early Yorkshire Charters. W. Farrer. Ballantyne, Hanson & Co. Edinburgh. 1914.