Omnibus Christi fidelibus ad quos presens scriptum peruenerit Walterus Dei gratia Ebor[acensis] archiepiscopus Anglie primas salutem in Domino Noueritis quod cum bone memorie Th[] r[ogerus] et g[alfridus] predecessores nostri archiepiscopi Ebor[acenses] concessissent priori et conuentui sancte Trinit[atis] Ebor[aci] ecclesiam de Ledes in proprios usus conuertendam ita quod per suos capellanos eidem ecclesie facerent deseruiri sicut carte eorundem archiepiscoporum et capituli testantur iidem prior et conuentus quendam clericum ad quandam portionem eiusdem ecclesie uidelicet ad terciam partem decime garbarum et ad terciam partem alteragii presentarunt et sic tam ipsi quam dictus clericus omnes prouentus ipsius ecclesie communiter perceperunt unde inter eos materia contentionis oriebatur frequenter Postmodum autem per mortem Alani de Syreburn[] clerici predicta portione uacante sepedicti prior et conuentus nobis supplicarunt instanter ut in hac parte eorum paupertati et paci prospicere dignaremur Ipsorum igitur precibus annuentes ut omnem contentionis materiam que ex huiusmodi communione prouenerat amputemus uicariam taliter taxauimus in ecclesia memorata uidelicet quod ille qui pro tempore fuerit uicarius eiusdem ecclesie totum alteragium cum decimis molendinorum tocius parochie de Ledes excepta decima molendinorum comitis Lincoln[ie] que nondum fuit soluta et excepta terra spectante ad eandem ecclesiam percipiat nomine uicarie reddendo annuatim eisdem priori et conuentui decem libras sterlingorum ad duos terminos scilicet centum solidos ad Pentecost [en] et centum solidos ad festum sancti Martini in hyeme et omnia honera consueta et debita sustinendo Quod ut ratum perseueret et stabile presens scriptum fecimus sigilli nostri munimine roborari Datum apud Scroby septimo idus Decembr[is] pontificatus nostri anno uicesimo sexto Test[ibus] magistris r[oberto] archid[iacono] Richemund[ie] et Nichol[ao] de Ebor[aco] domino Petro de Fikelden[] capellano iohanne de Ledes Rogero de La Leye clericis et aliis

Source Fulltext: Early Yorkshire Charters, the Paynel Fee. C. T. Clay. Yorkshire Archaeological Society, Extra Series V.3. Yorkshire Archaeological Society. Wakefield. 1939.