A Dei gratia Coventrensis et Lichfeldensis episcopus viro venerabili magistro Martino de Summa salutem in Domino Meminimus nos vobis vices nostras nuper auctoritate domini papae qua fungimur commisisse ut si venerabilis in Christo frater Sarum episcopus cui super assignatione cujusdam praebendae quae in ecclesia Sarum dicebatur vacare facienda magistro Alberto de Castro Sepio Mediolanensis dioceseos mandatis nostris immo mandatis apostolicis recusaret parere vos dicti Alberti procuratorem in dictam praebendam investire et inducere curaretis auctoritate praemissa Verum quia audivimus quod praebendam de Kalna pro qua scripsimus venerabilis frater episcopus Sarum ejus ecclesiae thesauriae consolidaverat cum onere assignato ejusdem ecclesiae capitulo concurrente consensu confirmatione super hoc apostolica subsequente quorum instrumenta fuerunt nuper coram nobis exhibita nec intentionis domini papae fuerit ut credimus pro beneficio scripsisse quod annexum fuerit dignitati mandamus vobis auctoritate jam dicta quatinus executionem memorati negotii supersedeatis omnino Datum apud Sarum ix Kalend Januarii pontificatus nostri anno xv

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.