Omnibus sancte ecclesie filiis presentibus et futuris Edulfus de Kilnesei salutem Sciatis me dedisse et presenti carta confirmasse Deo et ecclesie sancte Marie de Fontibus et monachis ibidem Deo seruientibus dimidiam carrucatam terre in Kylnesei in liberam et perpetuam elemosinam cum omnibus pertinenciis suis et aisiamentis in bosco et plano in prato et pastura in uiis et semitis et aquis et in omnibus locis ad eandem terram pertinentibus sine omni retenemento mei et heredum meorum in perpetuum solutam quietam et liberam ab omnimodo seruicio et consuetudine et ab omni re ad terram pertinente excepto forinseco seruicio quod ipsi facient uidelicet quantum libere et iuste pertinuerit ad dimidiam carrucatam terre in Kilnesei ubi xiiii carrucate faciunt feudum militis Et sciendum quod in recompensacionem huius mee donacionis domus de Fontibus concessit recipere me Edulfum in conuersum et Nicholaum filium meum in monachum et ponere uxorem meam in religionem Teste capitulo de Ripun in cuius presencia hec conuencio renouata et hec carta facta fuit Et quia ego Edulfus sigillum nuncquam habui eiusdem capituli sigillum communi assensu utriusque partis huic mee carte est appositum Teste eciam Hugone abbate de sancto Laurencio Waldeuo Stephano et Osberto uicariis ecclesie de Ripun Guillelmo Maciun Symone de Bedeford Bern[ardo] filio Gamelli Aldredo de Rip[un] Adam filio Ade filii Meldredi Actum fuit ad Ripun[] in domo Guillelmi canonici de Bedeford xv diebus post Pascha anno incarnacionis Domini m c lxx quarto

Source Fulltext: Early Yorkshire Charters, the Honour of Skipton. C. T. Clay. Yorkshire Archaeological Society, Extra Series V.5. Yorkshire Archaeological Society. Wakefield. 1947.