Omnibus sancte matris ecclesie filiis ad quos presens scriptum peruenerit Nichol[aus] de Stuteuill[] salutem in Domino Noueritis me concessisse in presenti scripto [et] confirmasse concessionem et dimissionem quam Nichol[aus] filius Ade de Bouteby fecit uenerabili patri domino Waltero Ebor[acensi] archiepiscopo Anglie primati super tota terra sua de Boutebi et Rauenestorp cum pertinenciis suis sine aliquo retinemento tenend et habend eidem archiepiscopo et heredibus suis uel assignatis suis [et] eorum heredibus libere integre pacifice et quiete ab omni seruitio et exactione a Natiuitate beate uirginis anno Domini m cc tricesimo usque ad terminum septem annorum proximo sequentium uidelicet quousque inde plenarie septem uestituturas perceperit sicut in scriptis inter eosdem archiepiscopum et Nichol[aum] super hoc confectis plenius continetur saluis michi et heredibus meis seruitiis consuetudinibus et exactionibus nobis in predicta terra pertinentibus saluis etiam michi et heredibus meis post lapsum prefati termini omnibus aliis bonis que nobis de predicta terra secundum consuetudinem regni poterunt excidere Et ut hec mea concessio et confirmatio robur et stabilitatem habeant presens scriptum sigilli mei munimine duxi corroborand[um] Hiis testibus domino Waltero de Mulcastra domino Roberto de Stuteuill[] Nicholao fratre suo R Chambar Alano de Waxant Nich[olao] persona de Etton[] Willelmo capellano de Ponte belli et multis aliis

Source Fulltext: Early Yorkshire Charters, the Stuteville Fee. C. T. Clay. Yorkshire Archaeological Society, Extra Series V.7. Yorkshire Archaeological Society. Wakefield. 1952.