Omnibus sancte ecclesie filiis presentibus et futuris Guillelmus comes de Warewyc et Matildis comitissa filia Guillelmi de Perci salutem Sciatis nos concessisse et hac nostra carta confirmasse Deo et ecclesie sancte Marie de Fontibus et monachis et fratribus ibidem Deo seruientibus totam pasturam que infra has diuisas continetur scilicet de maro de Malhum sicuti riuus uadit sursum usque ad uiam de Malhum et postea per uiam deorsum usque ad Dernebroc deinde Iudene deorsum usque ad Erneclif et preterea totam pasturam quam idem Guillelmus habuit ex illa parte deuersus rupes Et preter hoc illam donacionem quam Turstinus de Arches eis fecit de terra et pastura de Erneclyf ita libere et plenarie in omnibus locis sicut in carta predicti Turstini inde continetur et carta Guillelmi de Perci confirmatur Preterea Malhewater et piscariam de eadem aqua et illam dimidiam carrucatam terre in Malhum quam Ulf filius Roskil et Uctredus nepos istius eis dederunt ita libere et quiete et plenarie cum omnibus pertinenciis et aisiamentis infra uillam et extra et in prato et in pastura et in omnibus locis sicut in cyrographo continetur quod inter eos factum est in presencia capituli sancti Guilfridi de Ripon[] et eiusdem capituli sigillo sigillatum et carta Guillelmi de Percy confirmatur Hec omnia predicta concessimus predictis monachis et fratribus de Fontibus et carta nostra in liberam et perpetuam elemosinam confirmauimus soluta quieta et libera de nobis et eis qui post nos erunt in perpetuum ita plenarie et quiete et integre et honorifice et stabiliter sicut in cartis Guillelmi de Perci quas inde habent continetur et hac carta nostra confirmatur Et sciendum quod in testimonium huius nostre confirmacionis abbas et ecclesia de Fontibus dederunt xvi marcas argenti et concesserunt nobis quamdiu uixerimus quod quando in prouincia illa presentes erimus in Malhewater ad opus nostrum piscari poterimus Hii sunt testes Henricus de Nouoburgo Symon Bassed Guillelmus Uauasor et Robertus filius eius et Thomas gener eius Milo de Langetot et Milo filius eius Nigellus de Plumtun Oliuerus le Angeuin Robertus filius Radulfi Radulfus de Mundeuilla Henricus de Uilers camerarius et Guillelmus clericus comitis Facta autem fuit hec confirmacio quarta die Natalis Domini apud Gretham anno Incarnacionis dominice m c lxx quinto

Source Fulltext: Early Yorkshire Charters, the Percy Fee. C. T. Clay. Yorkshire Archaeological Society, Extra Series V.9. Yorkshire Archaeological Society. Wakefield. 1963.