Hec est finalis concordia facta in curia domini regis apud Ebor[acum] die Lune proxima ante festum sancte Margarete anno xxviii regni Henrici regis secundi coram Thoma filio Bernardi et Alano de Furnell[is] et Roberto de Witefeld tunc iustic[] domini regis et coram ceteris baronibus qui tunc ibi aderant inter Ricardum de Neuby et Agnetem de Percy de dimidia carucata terre in Daltona unde cognicio fuit summonita inter eos in curia domini regis scilicet quod prefatus Ricardus quietam clamauit Agneti de Percy et heredibus suis predictam dimidiam carucatam terre in Daltona cum pertinenciis quietam et liberam de se et de heredibus suis pro xii solidis quos monachi de Fontibus reddent annuatim sibi et heredibus suis ex parte domine Agnetis de Percy et prefatus Ricardus de Neuby warantizabit Agneti de Percy et heredibus suis prefatam dimidiam carucatam terre in Daltona cum omnibus pertinenciis contra omne clamium et prefata Agnes de Percy warantizabit predicto Ricardo et heredibus suis xii solidos prenominatos contra omne clamium et predictus Ricardus faciet forinsecum seruicium quantum pertinet dimidie carucate terre unde xii carucate terre faciunt seruicium feodi unius militis et predicti monachi de Fontibus reddent prefato Ricardo et heredibus suis xii solidos predictos de firma quam debent Agneti de Percy pro grangia de Marton[]

Source Fulltext: Early Yorkshire Charters, the Percy Fee. C. T. Clay. Yorkshire Archaeological Society, Extra Series V.9. Yorkshire Archaeological Society. Wakefield. 1963.