Notum sit tam futuris quam presentibus quod Rodbertus filius Iunguini concessit et liberauit Walerano de Crikelade totam terram suam que est in Oxeneforde inter domum Eadwini socii Wiardi et inter domum que fuit Fulkonis Dagun tenend de eo et heredibus suis illi et heredibus suis pro decem solidis reddendis annuatim pro omni seruitio per concessionem Pulcele matris sue et Matillidis uxoris sue et Rodberti Baratoris et filii sui et pro hac concessione dedit predictus Waleranus prenominato Rodberto filio Iunguini xviii marcas argenti Hanc conuentionem et saisinam huius terre fecit Rodbertus filius Iunguini Walerano de Crikelade per baculum quendam coram Roberto de Witefeld qui tunc fuit uicecomes de Oxenefordesire et coram Amfrido et Lamberto qui tunc fuerunt Aldermani Oxeneforde in pleno placito domini regis coram uillata eiusdem uille et idcirco consilio Iohannis Kepeharm et Thome filio Ailrici et Hugonis Kepeharm et Willelmi pretoris et consilio aliorum proborum hominum Oxenefordie qui tunc ibi fuerunt nos Aldermani per sigilla nostra confirmamus

Source Fulltext: Cartulary of Oseney Abbey. H. E. Salter. Oxford Historical Society, V.90. Oxford Historical Society. Clarendon Press. Oxford. 1929.