Anno gracie millesimo cc uicesimo septimo quarto idus Octobris facta est hec conuentio inter priorem et conuentum de Giseburne ex una parte et priorem et conuentum Watton[] ex altera de assensu domini Roberti tunc magistri ordinis de Sempingham uidelicet quod idem prior et conuentus Giseburn[] dimiserunt dictis priori et conuentui Watton[] ad perpetuam firmam pro uiginti et sex marcis argenti annuatim apud Brunnus a dictis priore et conuentu Watt[on[]] soluendis certo procuratori per litteras procuratorias prioris uel capituli de Giseburn[] constituto scilicet tresdecim marcis infra octau[as] Pentecostes et tresdecim marcis infra octau[as] sancti Martini in hieme totam portionem quam habuerunt eodem die in ecclesia de Hesel ex ordinatione uenerabilis patris Walteri Ebor[acensis] archiepiscopi uidelicet medietatem omnium prouentuum ipsius ecclesie cum omnibus ad eandem portionem spectantibus ratione illius portionis adquisitis et adquirendis et insuper duas garbas decimarum demenii de Hesel quas habuerunt de abbate et conuentu sancte Marie Ebor[acensis] et preterea omnes terras et firmas toftorum cum pertinenciis quas eodem die in eadem uilla habuerunt ita tamen quod tenentes dictorum toftorum et eorum heredes per idem seruicium et eodem modo per omnia decetero teneant de priore et conuentu Watton[] sicut prius de priore et conuentu Giseburn[] tenuerunt Insuper etiam dimiserunt eisdem dimidiam carucatam terre cum omnibus pertinenciis in Traneby quam prior et conuentus Watton[] de omnibus forinsecis seruiciis et exaccionibus acquietabunt et defendent sicut prior et conuentus de Giseburn[] facere consueuerunt saluis priori et conuentui de Giseburn[] imperpetuum donatione uicarie prefate ecclesie et presentacione uicarii ad eandem uicariam quocienscumque uacauerit qui uicarius omnia onera episcopalia et archidiaconalia prefatam ecclesiam contingentia et ministerium ecclesie ex portione sibi assignata in omnibus plene et per omnia sustinebit saluis etiam prefatis priori et conuentui de Giseburn[] triginta denariis quos monachi de Melsa eis annuatim soluent saluo etiam camerario Giseburn[] redditu quatuor solidorum quos dicti prior et conuentus Watton[] annuatim ad Pentecosten persoluent apud Brunnus prefato procuratori uel ipsi camerario pro pastura cum pertinenciis quam tunc temporis habuit in uilla de Hesel Si uero dicti prior et conuentus Watton[] dictam firmam ad terminos statutos non soluerint pro transgressione cuiuslibet termini dabunt nomine pene fabrice ecclesie sancte Marie de Giseburn centum solidos argenti et subiecerunt se iurisdictioni priorum de Bridelington[] de Kyrdham et de Nouo Burgo qui plenam de consensu prefati R magistri dicti ordinis habeant potestatem ipsos compellendi per censuram ecclesiasticam ad plenam solutionem tam firme quam pene cuiuslibet termini non obseruati et renunciauerunt omni appellationi exceptioni et priuelegio et iuris remedio in hac parte Memorati uero prior et conuentus Giseburn[] prefatam portionem dicte ecclesie cum omnibus aliis rebus prenominatis prefatis priori et conuentui Watt[on[]] contra omnes homines perpetuo warantizabunt et defendent Quod si forte casu aliquo contingente non fecerint uel facere non poterunt prior et conuentus Watton[] ad plenam prefate firme et pene solutionem non teneantur sed secundum estimationem dampnorum ipsis ob defectum warantizacionis et defensionis illatorum per taxationem et ordinationem predictorum priorum prefatam iurisdictionem habentium a solucione partis uel tocius firme et pene prefate pro tempore uel perpetuo seruentur immunes Ceterum si uicarius sepedicte ecclesie qui pro tempore fuerit dictis priori et conuentui Watton[] super aliquo premissorum iniuriatus fuerit uel ipsos in causam super eisdem traxerit prior et conuentus Giseburn[] eis contra eundem uicarium fideliter assistent in auxilium et eos pro posse suo quantum ad impeticionem uicarii super rebus prenominatis conseruabunt indempnes ita tamen quod si canonici Watt[on[]] aliquid pro proprio defectu uel suorum amiserint illud non computabitur in firma canonicorum de Giseburn[] uel pena sed sibimetipsis imputabitur Omnibus uero querelis super decimis de nutrimentis animalium prioris et conuentus Watt[on[]] in parrochia de Hesel prouenientibus coram decano Dunelm[ensi] suisque collegis et decano Linc[olniensi] suisque coniudicibus et rectore scolarum Ebor[acensi] et suis coniudicibus hinc inde usque ad diem prenominatum motis et super eisdem decetero quocumque casu coram quibuscumque iudicibus mouendis necnon et omnibus dampnis expensis et iniuriis occasione dictarum decimarum hinc inde factis et omnibus impetratis et contra tenorem huius scripti decetero super premissis impetrandis ex utraque parte renunciatum est saluo uicario qui pro tempore fuerit iure suo in omnibus ut autem hec conuentio robur optineat imperpetuum utraque pars sigillum suum una cum sigillis domini R tunc magistri ordinis de Sempingh[am] et dictorum priorum dictam iurisdictionem habentium presenti scripto apposuit

Source Fulltext: Early Yorkshire Charters, the Tison Fee. C. T. Clay. Yorkshire Archaeological Society, Extra Series V.10. Yorkshire Archaeological Society. Wakefield. 1965.