Universis sancte matris ecclesie filiis presentibus et futuris Thomas abbas Salebiensis ecclesie et ejusdem loci conventus salutem in Domino sempiternam Noveritis nos inspexisse cartam Germani quondam abbatis Salebiensis predecessoris nostri in hec verba Universis sancte matris ecclesie filiis tam presentibus quam in posterum successuris abbas Germanus totusque conventus ecclesie sancti Germani de Seleby salutem Noverit ergo presens etas omnium secutura posteritas nos communi consilio et consensu tocius capituli nostri concessisse ac dedisse presentique carta mea confirmasse B abbati ecclesie de monte sancti Andree Salleie monachisque ibidem Deo famulantibus Staintonam solam et quietam ac liberam ab omnibus terrenis serviciis eidem terre pertinentibus a nobis rate et perpetualiter cum omnibus sibi adjacentibus tenend excepto recto denegeldo regis solvendo annuatim quadraginta solidos dimidium videlicet ad Pentecosten et dimidium ad festum sancti Martini Testibus subscriptis in quorum audiencia hec carta lecta et concessa fuit Hugone episcopo Dunelmense Johanne episcopo Insularum Savarico abbate ecclesie sancte Marie Ebor Clemente ejusdem ecclesie priore Ricardo cantore Roberto archidiacono sancti Petri cum canonicis ejusdem loci et ceteris in carta continentibus Volentes igitur quod predicti abbas et conventus de Salleya et eorum successores de nobis et successoribus nostris totum suprascriptum manerium de Stainton cum omnibus suis pertinenciis sine aliquo retenemento habeant et teneant in liberam et perpetuam elemosinam solutam et quietam ab omnibus aliis serviciis nobis et successoribus nostris imperpetuum spectantibus sepedictis abbati de Stainton cum omnibus suis pertinenciis ut supradictum est de nobis et successoribus nostris confirmamus et quieteclamamus in perpetuum In cujus rei testimonium presenti scripto sigillum nostrum commune apposuimus Datum apud Selebi vj x kal aprilis anno Domini m cc septuagesimo septimo

Source Fulltext: Chartulary of the Cistercian Abbey of St. Mary of Sallay in Craven. Joseph MacNulty. Yorkshire Archaeological Society, V.87. Yorkshire Archaeological Society. West Yorkshire Print Co. Wakefield. 1933.