Hoc cirographum testatur quod Henricus de Pathorn filius et heres Roberti de Pathorn dedit concessit et presenti carta sua confirmavit Deo et beate Marie et monachis de Sallai tres acras prati in teritorio de Pathorn super Sprocrofgilebanc versus occidentem illas videlicet que jacent ex utraque parte prati Henrici filii Lecke scilicet totam partem quinque bovatarum ex parte occidentali et totam partem quatuor bovatarum ex alters parte versus orientem quas homines sui de Pathorn tenuerunt ad bovatas suas pertinentes tenend et habend de se et heredibus suis sibi et successoribus suis vel assignatis in puram et perpetuam elemosinam solutam liberam et quietam ab omni servicio et exaccione et omni re ad terram pertinente Pro hac autem donacione et concessione predicti monachi relaxaverunt et quietum clamaverunt predicto Henrico et heredibus suis totum jus et clamium quod habuerunt vel habere potuerunt in omnibus perticulis terrarum et pratorum quas Robertus pater suus cepit in vita sua de communa de Pathorn salvis dictis monachis hominibus et cariagiis suis libero introitu et exitu et transitu in illo loco qui dicitur Rakys sicut actenus uti consuerunt Ad majorem vero hujus rei securitatem utraque pars alterutri parti omnia prenominata inperpetuum warantizabit et presenti carte in modum cirografphi confecto sigillum suum alternatim apposuit Actum anno gracie m cc l septimo in crastino Pentecostes Hiis testibus Domino Elya de Chonl domino Ricardo fratre ejus domino Radulfo de Mittona et aliis

Source Fulltext: Chartulary of the Cistercian Abbey of St. Mary of Sallay in Craven. Joseph MacNulty. Yorkshire Archaeological Society, V.87. Yorkshire Archaeological Society. West Yorkshire Print Co. Wakefield. 1933.