Sciant praesentes et futuri quod nos infirmi fratres de hospitali S Egidii et magister Walterus custos noster et Radulfus filius Adeae communi assensu concessimus et tradidimus carissimo amico et benefactori nostro Herberto Cantuariensi archidiacono terras quas habemus in parochia in vico de Flete juxta cimiterium S Brigidae quas Ricardus Gobeth Ailwynus Goham et Abel parmentarius et Anselmus pictor tenuerunt tenend ipsi archidiacono et haeredibus suis de nobis jure hereditario cum omnibus libertatibus et liberis consuetudinibus suis reddendo inde nobis singulis annis xv solidos et tres denarios in duobus terminis scilicet in festo S Michaelis vii solidos et vii denarios et obolum et in Pascha vii solidos et vii denarios et obolum pro omni servitio salvo haereditario jure tenentium Has vero terras ac tenementa licebit ipsi archidiacono et haeredibus suis dare ac vendere vel invadiare unicuique hominum voluerit praeterquam domibus religiosis ac Judaeis salvo redditu xv solidorum et trium denariorum quos infirmi habebunt per annum Et ut hac nostra conventio et concessio rata ac firma habeatur eam praesenti scripto ac sigillo nostro duximus roborandam Et pro hac concessione dedit nobis idem archidiaconus in gersumam procurationem unius diei tam in cibo quam in potu et magistris nostris Waltero capellano et Radulfo filio Adae unum bisancium et Radulfo clerico quatuor denarios Facta fuit haec carta in praesentia domini Ricardi Wyntoniensis episcopi His testibus S H et aliis

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.