Omnibus sanctae matris ecclesiae filiis ad quos praesens scriptum pervenerit Willelmus Dei gratia abbas de Syreburn et ejusdem loci conventus salutem in Domino Universitati vestrae notum fieri volumus nos unanimi consensu et voluntate dedisse et concessisse reverendo domino et patri nostro in Christo Huberto Sarum episcopo et successoribus suis et ecclesiae Sarum ecclesiam de Lym et ecclesiam de Halgestok in perpetuum cum omnibus pertinentiis et advocatione et omni alio jure quod in eis habuimus sine aliquo retenemento ad faciendum de eis in ecclesia Sarum unam praebendam in honorem Dei et gloriosae Virginis Mariae Quare volumus et concedimus quod praedictus Hubertus episcopus Sarum et successores sui habeant plenam disponendi potestatem de memoratis ecclesiis et earum pertinentiis et assignandi eas cui voluerint in praebendam non requisito de caetero consensu nostro et canonicus cui praefatae ecclesiae fuerint assignatae in praebendam et successores sui habeant et possideant praetaxatas ecclesias cum omnibus ad eas pertinentibus et pleno earum jure ita libere et quiete et plenarie sicut ab aliquo liberius et quietius et plenius haberi possunt Et ut haec nostra donatio et concessio perpetuae firmitatis robur obtineat et ne nobis vel successoribus nostris liceat in perpetuum contra eam venire eam praesentis cartae testimonio et sigillorum nostrorum appositione communimus Si quis autem contra hanc nostrae donationis et concessionis paginam venire temptaverit aut eam aliquo fraudis commento infringere aut violare praesumpserit indignationem omnipotentis Dei et beatae Virginis Mariae et omnium sanctorum Dei se noverit incursurum Facta est autem haec donatio anno ab Incarnatione Domini m C xci octavo Idus Junii in capitulo Sarum His testibus Reginaldo Bathoniensi episcopo W abbate de Fulgeriis magistro Rogero T T et aliis

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.