Ioh[anne]s comes Moreton[ie] dilectis in Christo fratribus et amicis priori et conventui Cant[uariensi] salutem in domino Litteras domini regis fratris mei sub hac quam vobis transmitto forma recepi Unde quoniam ipsius volo sicut et teneor in omnibus voluntati eius parere eo quod in propria persona alias occupatus venire non possum misi dominum abbatem de Theokesb[ur]i[a] et magistrum Benedictu[m] dilectos et familiares meos ad vos quos vice mea statui destinandos rogans instantius et exhortans quatenus si quid regiis precibus addere mea potest deprecatio ipsos in hiis que vobis ex parte mea secundum tenorem predicti rescripti super electione videlicet archiepiscopi Cant[uariensis] proposuerint meo intuitu benignius admittatis et ad efficiendum quod tantorum virorum interventione rogamini promptos vos reddatis omnimodis et favorabiles ut et a domino cuius super hoc litteras et preces intentas dicimini recepisse et a me deinceps gratias mereamini copiosas Teste me ipso apud Theokesb[ur]iam

Source Fulltext: Earldom of Gloucester Charters. The Charters and Scribes of the Earls and Countesses of Gloucester to A.D. 1217. R. B. Patterson. Clarendon Press. Oxford. 1973.