Universis Christi fidelibus ad quos praesens scriptum pervenerit Ricardus divine permissione Sarum ecclesiae minister humilis salutem in Domino sempiternam Noverit universitas vestra in nos compromissum fuisse inter Fulconem rectorem ecclesiae de Wynterburn actorem et magistrum [robertum] Grosseteste rectorem ecclesiae de Calne reum secundum quod in forma compromissi plenius continetur quae talis est Sciant praesentes et futuri quod ego [robertus] archidiaconus Wiltshire rector ecclesiae de Calne et ego Fulco Bassett rector ecclesiae de Winterburn compromisimus in venerabilem patrem nostrum Ricardum Sarum episcopum super omnibus quae coram viris venerabilibus de Syreburn et de Enedewell prioribus et domino Philippo de Luci judicibus a domino papa delegatis inter nos deducta erant in judicium tam super possessione quam super proprietate decimarum et obventionum villae de Berewich et capella ibidem erectae exceptis decimis de dominico Sub hac forma compromisimus in dictum episcopum videlicet quod facta coram eo litis contestatione sine subterfugio testibus utriusque partis tam super possessorio quam super petitorio diligenter examinatis et publicatis attestationibus quicquid dictus episcopus statuerit nos ratum habebimus et gratam Ita quod Fulco super possessorio [robertus] archidiaconus super petitorio diligenter examinatis et publicatis attestationibus quicquid dictus episcopus super praedictis statuerit nos proprium habebimus et gratum ita quod Fulco super possessorio [robertus] archidiaconus super petitorio actor constituatur pars vero quae ab arbitrio resilierit xl marcas nomine poenae parti adversae persolvet reservata judicibus de concensu nostro potestate compellendi per excommunicationis sententiam partem recedentem ad solutionem dictae poenae reservata quoque judicibus potestate confirmandi quod fuit arbitratum et procedendi in causa cum poena fuerit commissa et soluta Et ad majorem compromissionis nostrae firmitatem sigilla nostra huic scripto apposuimus Valete Porro partes in nostra constitutae praesentia litem in hunc modum sunt contestatae Fulco Basset rector ecclesiae de Winterburn dicit quod cum rectores ejusdem ecclesiae usque ad tempus Alexandri capellani in eadem ecclesia decimas et obventiones villae de Berewych percepissent exceptis decimis de dominio easque pacifice et successive possedissent ut ad ecclesiam de Winterburn de jure spectantes reddendo ecclesiae de Calne annuatim duos solidos ut parochiani de Berewych spiritualia perciperent ab ecclesia de Winterburn veluti a sua matrice ecclesia rector ecclesiae de Calne et quidam alii dictam ecclesiam de Winterburn de praedictis decimis et obventionibus spoliarunt et magister R Grosteste nunc rector ecclesiae de Calne et B clericus saepedictas decimas et obventiones et quandam capellam post dictam spoliationem in Berewick constructam detinent occupatas Petit itaque dictus Fulco a dicto magistro Roberto ut quae perceperit ratione dictarum decimarum et obventionum ei restituat ipsumque de caetero non impediat quominus praefatas decimas et obventiones libere percipiat salva eidem magistro Roberto pensione duorum solidorum suprascripta Ex adverso dicit magister R Grossetest dictas decimas et obventiones petitas per possessorium ad praebendam de Calne de jure spectare tanquam ad matricem ecclesiam infra cujus limites sitae sunt et si alii rectores ecclesiae de Winterburn eas perceperunt illas nomine dictae ecclesiae de Calne perceperunt auctoritate episcopi vel capituli Sarum non interveniente et si pensio duorum solidorum annua soluta fuit ut dicit Fulco nomine dictarum decimarum pro hoc dicit dictus R dictam ecclesiam de Calne ergo tunc fuisse in possessione earum et eam esse potiorem tam in jure quam in possessione de jure communi Dicit etiam capellam erectam in dominico de quo nullum jus sibi vendicare [potest] Fulco unde nec etiam potest in capella vel in pertinentibus ad eandem quae a tempore suae dedicationis usque nunc habuit et habet Dicit idem R quod si aliquando interesset conventio super duobus solidis personalis fuit et in nullo potest ei praejudicare cum non intervenerit consensus episcopi vel capituli Sarum unde potius videtur firma quam jus Verum ei quod dicit magister R dictas decimas et obventiones ad praebendam de Calne de jure spectare respondet dictus Fulco quod ad eam non spectant de jure et si aliquando spectarent adquisivit sibi jus de eisdem ecclesia de Winterburn per longissimi temporis praescriptionem bona fide et inconcusse eas possidendo Lite igitur sic coram nobis contestata testes utriusque partis super his quae in arbitrium sunt deducta coram nobis admisimus diligenter ac fideliter examinavimus ac demum publicatis attestationibus et inspectis habita post super his prolixiori disputatione auditis utriusque partis rationibus et allegationibus et diligenter pensatis communicato consilio bonorum virorum Deum timentium ac in utroque jure peritorum nobis assidentium deficiente Fulcone actore in probatione suae intentionis tam super jure quam super possessione nominatum magistrum Ricardum reum per sententiam diffinitivam absolvimus ab impetitione Fulconis actoris et absolutum sententialiter pronuntiamus dicta Fulconi perpetuum super his quae coram nobis a partibus memoratis deducta sunt in arbitrium imponentes silentium adjudicantes nihilominus eidem R pacificam possessionem omnium eorum quae a partibus eisdem deducta sunt in arbitrium Acta apud Novam Sarum in capella beatae Virginis die S Agapiti pontificatus nostri anno quinto assidentibus nobis magistris Hugone de Wilton archidiacono Taunton Ysaac canonico Exoniensi Henrico de Cicestre canonico Wellensi Ricardo de Cnolla persona de Deverel Roberto de Ambravis persona de Chiseleya Radulfo persona de Patenia Elya de Yscy persona de Aweltone Alda persona de Schenynggefeld Ad perpetuam autem latae sententiae memoriam praesenti scripto sigillum nostrum duximus apponendum Valete

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.