Anno domini mccxxi die Sancti Bartholomei Apostoli convenit inter abbatem et conventum de Haghmon[] ex parte una et Thomam dictum le Coliar Salop[] ex altera videlicet quod iidem abbas et conventus concesserunt ac ad firmam tradiderunt predicto Thome quoddam curtilagium infra muros Salop[] super Clermund[] illud videlicet quod iacet inter terram Alani filii Gamel ex una parte et terram Mabilie relicte Michaelis ex altera Habend et tenend dictum curtilagium cum pertinentiis de predictis abbate et conventu quiete et pacifice a predicto festo Sancti Bartholomei usque ad terminum xii annorum proximorum sequencium plenarie complendorum Reddendo inde annuatim predictus Thomas memoratis abbati et conventui duos solidos argenti ad duos anni terminos videlicet in festo Annunciacione beate Marie xii d et in festo Sancti Michaelis xii d pro omni servicio dictis viris religiosis pertinente salvo forinseco Dictus autem Thomas sub sacramento fidei sue se astrinxit predictam firmam suam memoratis viris religiosis in duplice soluturum si in parte vel in toto de solucione eiusdem firme terminis prescriptis vel infra quindenam proximam sequentem deficere contigerit Si autem infra dictum terminum xii annorum prefato Thome humanitus contigerit licebit Dode uxori sue secundum formam presentis scripti predictum curtilagium cum pertinentiis usque ad complectionem predicti termini possidere post vero terminum xii annorum plenarie completorum dictum curtilagium cum pertinentiis suis memoratis viris religiosis sine aliquo contradiccione vel impedimento predicti thome revertetur Teste deo et toto capitulo

Source Fulltext: The Cartulary of Haughmond Abbey. Una Rees. Shropshire Archaeological Society and Univ. of Wales Press. Univ. of Wales Press. Cardiff. 1985.