Omnibus Christi fidelibus ad quos praesens scriptum pervenerit Ricardus Dei permissione Sarum ecclesiae minister humilis salutem gratiam et benedictionem Considerantes quod in pluribus locis in quibus olim fervor caritatis vigebat multorum caritas refrigescat et quod in hospitibus colligendis et in aliis operibus misericordiae quod non sine dolore dicimus plus solito multorum tepescat devotio illorum qui in nostra consistant diocesi caritatem si forte obdormierit prae caeteris specialius exhortationibus tenemur excitare et ad hospitalitatem sectandam non solum verbis sed benedictionibus et largitionibus efficaciter provocare Ea propter cum ad hospitalitatem sectandam efficacior sit exhortatio re quam voce facto quam verbo ut aliorum ad bonum hospitalitatis efficacius intendatur devotio de assensu et capituli nostri voluntate dedimus intuitu caritatis Deo et ecclesiae S Aldelmi de Malmesbyri et monachis ibidem Deo servientibus ad augmentum hospitalitatis omnes decimas garbarum in parochia ecclesiae de Credewelle et capellarum suarum de Hanekinton videlicet et de Estcote nomine perpetui beneficii futuris et perpetuis temporibus possidendas exceptis garbaram triginta duarum virgatarum terrae quarum xxiii sunt in Cheggelauwe et novem apud Tothull versus Asseleg in eadem parochia quae quidem decimae garbaram una cum quibusdam aliis inferius notatis cedent in portionem personae rectoris ecclesiae de Credewelle qui pro tempore fuerit a nobis vel successoribus nostris ad praesentationem abbatis et conventus de Malmesbyri ad memoratam ecclesiam admittendus et instituendus ac in eadem in ordine sacerdotali quem cura ecclesiae illius requirit continuam facturus residentiam Habebit autem dictus rector ecclesiae memoratae praeter praedictas decimae garbarum terras ecclesiae et capellae de Hanekinton cum pratis et pascuis et omnibus aliis ad eas pertinentibus et omnes decimas praeter decimas garbarum ut praedictum est et praeter decimas feni de proprio abbatis quod in praesenti tenet dominico Similiter habebit omnes obventiones altaris et cimiterii ecclesiae de Credewelle et capellarum memoratarum sicut Henricus de Cortenay et Jordaunus vicarius de Hanekinton habere consueverunt Is autem qui pro tempore fuerit rector saepedictae ecclesiae omnia onera consueta et consuetudines episcopales et archidiaconales sustinebit Volumus etiam et concedimus ut illas tres marcas quas ecclesia Malmesburiae ab antiquo de ecclesia de Credewell percipere consuevit ad indicium hujus nostrae donationis nomine praedicti perpetui beneficii quamdiu Henricus de Cortenay nunc rector ecclesiae de Credewell vixerit annuatim de caetero percipiat Cum vero de praedicto Henrico humanitus contigerit dictus abbas et conventus de Malmesbiria libere et sine contradictione alicujus possessionem praedicti beneficii ingrediantur et novam possessionem veteri quam per receptionem trium marcarum retinuerunt sine difficultate continuent Et licet monachi ibidem Deo servientes pro nobis orare teneantur et ut ad id faciendum eorum magis provocetur devotio et ut anniversarium nostrum cum de nobis humanitus contigerit libentius singulis annis faciant cum pleno servicio pontificali dedimus eisdem insuper intuitu Dei de assensu capituli nostri ad necessitatem monachorum de infirmaria in aliqua relevandam capellam villulae suae de Northone salva competenti sustentatione vicarii perpetui in eadem capella perpetuis temporibus ministraturi ita ut qui administrator coquinae monachorum pro tempore fuerit de portione ad infirmariam pertinente infirmario fideliter et integre respondeat salva debita et antiqua pensione annua duorum solidorum quos infirmarius sacristae de Malmesburia solvat Has autem pias concessiones nostras episcopali auctoritate confirmavimus et sigilli nostri ac capituli Sarum appositione communivimus salvis in omnibus jure et dignitate Sarum ecclesiae et nostra et successorum nostrorum Ad majorem securitatem super praedictis concessionibus duo confecta sunt instrumenta sub eisdem omnino verbis et tenore concepta quorum unum remanebit penes monasterium Malmesbiriae aliud in thesauraria ecclesiae Sarum cui sigilla abbatis et conventus de Malmesbiri sunt appensa Datum Sarum per manum magistri Roberti de Hertford tunc cancellarii xv kalend Februar pontificatus nostri anno quinto His testibus magistro Willelmo de Wanda tunc decano Sarum magistro Willelmo de Badeston praecentore Abraham thesaurario magistro Ricardo [roberto Grosteste f] archidiacono Wiltescire Willelmo de Merton tunc officiali magistro Luca magistro Ricardo de Sorestane[] Johanne capellano magistro Ricardo de Bremel magistro Petro Malemains et multis aliis

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.