Universis ad quos praesens scriptum pervenerit Ricardus divina permissione Sarum ecclesiae minister humilis salutem aeternam in Domino Noverit universitas vestra quod cum prior et conventus de Brommore ordinationi ac dispositioni nostrae commississent quicquid juris habuerunt in ecclesia de Candel cum per eorum instrumenta nobis de eorum jure constaret de praedicta ecclesia ita ordinavimus videlicet quod prior et conventus de Monasterio Ederoso nomine perpetui beneficii annuatim percipient de eadem ecclesia quinque marchas sterlingorum ad quatuor anni terminos per manum rectoris illius ecclesiae qui pro tempore fuerit ab episcopo Sarum tanquam patrono illius ecclesiae et episcopo in perpetuum promovendus qui rector totum residuum recipiet et onera ecclesiae ordinaria sustinebit Et ut haec nostra ordinatio futuris temporibus firma et stabilis perseveret ad majorem securitatem huic scripto in modum cyrographi confecto cujus una pars penes ecclesiam Sarum altera penes monasterium praedictum remanebit appositum est signum nostrum una cum sigillo capituli Sarum et sigillo prioris et conventus de Brommore Actum apud Sarum anno Domini m cc xxiiii xvii kalend Maii His testibus dominis w[illelmo] de Wenda decano g[alfrido] praecentore r[oberto de Hertford] cancellario e[dmundo Rich] thesaurario Sarum w[illelmo de Merton] archid Berkscire R de Maupodre B W et aliis

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.