Universis sanctae matris ecclesiae ad quos praesens scriptum pervenerit Ricardus divina miseratione Sarum ecclesiae minister humilis salutem in Domino Universitati vestrae notum facimus quod W prior et conventus de Brommora unanimi assensu et per publicum instrumentum sigillo ejusdem monasterii munitum ordinationi et dispositioni nostrae commiserunt quicquid juris habere videbantur in ecclesia de Candel Cum autem per instrumenta eorum plenius nobis constaret de jure eorundem de praedicta ecclesia ita ordinavimus videlicet quod prior et conventus de Monasterio Ederoso nomine perpetui beneficii annuatim percipient de eadem ecclesia quinque marcas sterlingorum ad duos anni terminos scilicet ad Natale Domini xxxiii sol et iv den ad Pentecosten xxxiii sol et iv den per manum rectoris dictae ecclesiae qui pro tempore fuerit ab episcopo Sarum tanquam vero patrono illius ecclesiae in perpetuum instituendus vel per manum illius qui eam cum vacaverit in custodia tenuerit Rector vero illius ecclesiae quicunque fuerit a domino episcopo institutus totum residuum omnium ad dictam ecclesiam pertinentium recipiet et omnis onera ad ecclesiam de jure spectantia sustinebit Ordinavimus etiam quod rector quicunque fuerit processu temporum infra tres septimanas proximas post institutionem suam praenominatis priori et conventui de Monasterio Ederoso cautionem praestabit juratoriam coram nobis et successoribus nostris vel officialibus nostris quoad praedictum redditum quinque marcarum ut supradictis terminis et loco fideliter et sine omni dilatione et difficultate praefatis priori et conventui tam de solutione praedicti redditus quam de transgressione termini non servati satisfaciet Ut autem haec nostra ordinatio futuris temporibus firma et perpetua perseveret ad majorem securitatem huic scripto in modum cyrographi confecto cujus una pars penes ecclesiam Sarum altera penes Monasterium Ederosum tertia pars penes ecclesiam de Candel remanebit appositum est signum nostrum una cum sigillo capituli Sarum et sigillo prioris et conventus de Brommora Acta apud Sarum anno ab Incarnatione Domini mccxxv

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.