Sciant presentes et futuri quod ego Bartholomeus Faucilon dedi et concessi et hac mea carta confirmavi Deo et beate Marie et sancto Iohanni Baptiste et beatis pauperibus domus hospitalis Ierusalem et fratribus eiusdem domus unam acram terre in campo meo qui vocatur parvus Gravelinge que iacet iuxta cheminum ante portam Iocelini et abuttat super sepem dividentem predictum campum et campum Iohannis Folenfant et ex alia parte abuttat super lacum in eodem campo versus duas cruces cum libero introitu et exitu et cum aliis pertinentiis et aisiamentis et preterea sepem illum qui est inter predictam acram et cheminum ante portam Iocelini ad longitudinem predicte acre et sepem illum qui est inter predictum campum et campum Iohannis Folanfant ad latitudinem predicte acre cum pastura chemini in liberam et puram et perpetuam elemosinam solutam et quietam ab omni seculari servicio et exaccione sicut aliqua elemosina liberius et melius dari potest domui religionis Hanc autem donacionem feci ego dictus Bartholomeus Faucilon pro salute anime mee et patris et matris mee et heredum meorum et predecessorum meorum et successorum meorum vivorum et mortuorum Et ego Bartholomeus et heredes mei warantizabimus predictam elemosinam cum pertinentiis predicte domui contra omnes homines et defendemus Hiis testibus Gilberto Mauduit Willelmo Mauduit Iohanne presbitero Ricardo Mauduit Gilberto de Nicol[] Willelmo filio Andree et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.