haec est finalis concordia facta in curia domini regis apud Westmonasterium a die Paschae in xv dies anno regni regis Henrici filii Johannis regis duodecimo coram Martino de Patishulle archid Norff[olciae] Stephano de Segrava Willelmo filio Warini Willelmo de Insula justitiariis et aliis domini fidelibus tunc ibi praesentibus inter Ricardum episcopum Sarum quaerentem per magistrum Elyam de Derham positum loco suo ipsius episcopi ad lucrandum vel perdendum et Achardum de Ramisbyre deforciantem de una virgata terrae cum pertinentiis in Ramisbyre unde idem episcopus questus fuit quod praedictus Achardus venit contra conventionem factam inter eos de eadem terra et unde placitum conventionis factae summonitum fait inter eos in eadem curia scilicet quod praedictus Achardus recognovit praedictam totam terram cum pertinentiis esse jus ipsius episcopi et ecclesiae Sarum et illam remisit et quietum clamavit de se et haeredibus suis praedicto episcopo et successoribus suis et praedictae ecclesiae Sarum in perpetuum Et pro hac recognitione remissione et quieta clamatione fine et concessione praedictus episcopus dedit et concessit eidem Achardo unam virgatam terrae et dimidiam cum pertinentiis in Ramisbyre scilicet totam terram quae vocatur Otfine et quam Matilda mater ipsius Achardi tenuit cum una grava et una acra prati super aquam de Kenett quae jacet in orientali parte duarum acrarum prati de dominico ipsius Et praeterea idem episcopus dedit et concessit eidem Achardo duas croftas in eadem villa quae vocantur Stainicrofte et unam culturam quae jacet juxta terram personae de Ramisbyre quae vocatur Chadelesdene habend et tenend eidem Achardo et haeredibus suis de praedicto episcopo et successoribus et praedicta ecclesia Sarum in perpetuum reddendo inde annuatim quatuor solidos sterlingorum ad quatuor terminos scilicet ad Natale xii denar ad Pascha xii denar ad nativitatem sancti Johannis Baptistae xii denar ad festum sancti Michaelis xii denar pro omni servitio et exactione salvo forinseco servitio quantum pertinet

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.