Haec est finalis concordia facta in curia domini regis apud Westmonasterium a die Paschae in xv dies anno regni regis Henrici filii Johannis regis duodecimo coram Martino de Patishal archidiacono North[folciae] Stephano de Segrave Willelmo fil Warini Willelmo de Insula justitiariis et aliis domini regis fidelibus tunc ibi praesentibus inter Ricardum Sarum episcopum quaerentem per magistrum Eliam de Derham positum loco ipsius episcopi ad lucrandum vel perdendum et Philippum de w[o]ttune deforciantem de duabus carucatis terrae cum pertinentiis in w[o]ttune quas Baldewinus Dispensator in comitatu Dorcestre clamavit versus Philippum praedictum per breve domini regis de recto et quas duas carucatas terrae cum pertinentiis idem episcopus dixit esse jus ecclesiae suae Sarum et unde conventio facta fuit intra praedictos episcopum et Philippum in praedicto comitatu quam idem Philippus postea tenere contradixit et unde placitum conventionis factae summonitum fuit inter eos in eadem curia scilicet quod praedictus Philippus recognovit totam terram praedictam cum pertinentiis esse jus ipsius episcopi et ecclesae suae Sarum et illam ei reddidit in eadem curia et remisit et quietam clamavit de se et haeredibus suis ipsi episcopo et successoribus suis et ecclesiae suae Sarum in perpetuum et pro hac recognitione redditione et quieta clamatione fine et concordia idem episcopus dedit et concessit eidem Philippo duas virgatas terrae et dimidiam cum pertinentiis in Scyreburn scilicet unam virgatam quam Osmundus de Wultone tenuit et unam dimidiam virgatam quam Alfricus de Wultone tenuit et unam dimidiam virgatam quam Johannes fil Godewin tenuit et unam dimidiam virgatam quam Willelmus Dolling de Scyreburn tenuit et unam croftam in Doclege extra parcum de Scyreburn quae continet quinque acras terrae et unum spinetum in eadem villa quod continet ix acras terrae et unam perticam habend et tenend eidem Philippo et haeredibus suis de praedicto episcopo et successoribus suis et de praedicta ecclesia reddendo inde annuatim dimidiam libram cumini ad festum Sancti Michaelis pro omni servitio et exactione salvo forinseco servitio quantum pertinet ad eandem terram Et praeterea idem episcopus recognovit et concessit totum redditum cum pertinentiis quem Philippus prius percepit de salinis juxta Kihavene quas salinas Nigellus de Kihavene tenuit esse jus ipsius Philippi habend et tenend eidem Philippo et haeredibus suis de praedicto episcopo et successoribus suis et praedicta ecclesia Sarum in perpetuum reddendo inde annuatim xxxi quarteria salis et dimidium et dimidiam libram cumini ad Natale Sancti Johannis Baptistae pro omni servitio et exactione

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.