Viris venerabilibus et dominis in Christo karissimis domino r[oberto] decano et capitulo Sarum Eadmundus prior et conventus Abbudesbire salutem et cum orationum suffragiis reverentiam et honorem Cum venerabilis in Christo pater r[obertus] Dei gratia episcopus qui fratri Rogero Dei gratia electo nostro primam dominicam Quadragesimae anno gratiae m cc xlv ad benedictionis munus recipiendum in majori ecclesia Sarum assignaverat praegravi et manifesta sui corporis debilitate ad diem et locum accedere non valeat supradictos quia propter dispendia ex dilatione benedictionis praedictae monasterio nostro imminentia nostris precibus inclinati nobis de speciali gratia indulsistis ut non obstante constitutione synodali qua cavetur ne alicui abbati vel abbatissae Sarum dioceseos extra cathedralem ecclesiam Sarum benedictionis munus impendatur praefatus electus noster tam pro urgenti necessitate apud Wodeford benedictionem recipiat ista vice Nos cupientes dignitates et constitutiones ecclesiae Sarum matris nostrae servare per omnia illibatas protestamur et profitemur quod ex haec gratia nihil juris vel possessionis nobis vel successoribus nostris adquirere intendimus propter quod dicta constitutio de caetero offendatur Et in hujus rei testimonium praesens scriptum sigilli nostri fecimus munimine roboravi Datum apud Abbudesbire die Cinerum anno Domini m cc xlv Valete

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.