Omnibus sanctae matris ecclesiae filiis ad quos praesens scriptum pervenerit Willelmus [de Eboraco] miseratione divina Sarum ecclesiae minister humilis salutem in Domino sempiternam Noverit universitas vestra quod cum super ordinatione et tenuitate vicariae ecclesiae de Winterburnestoke ex una parte et fratrem Robertum de Estelaunt monachum monasterii Gemeticensis in omnibus causis et negotiis dictum monasterium in partibus Anglicanis contingentibus procuratorem generalem constitutum ex altera contentionis materia mota fuisset post multa et varia ultrocitroque in capitulo nostro Sarum super praedictis proposita virorum prudentum ac juris peritorum interveniente consilio dictus Robertus dicti monasterii procurator ad cor pacis revertens nomine abbatis et conventus dicti monasterii super praedictis omnibus pure et absolute nostrae ordinationi et venerabilis in Christo patris domini Willelmi Dei gratia Wintoniensis episcopi qui ibidem praesens fuerat sponte se submisit Cujus freti consilio et interveniente assensu Deum habentes prae oculis super praedictis ordinavimus in hunc modum Quod vicarius qui in dicta ecclesia nunc est et qui pro tempore fuerit instituendus futuris et perpetuis temporibus nomine dictae vicariae omnes [habebit] decimas agnorum lanae molendini et medietatem decimarum fenorum dominico feno dictorum abbatis et conventus dumtaxat excepto cum omnibus et singulis portionibus et oblationibus ex antiquo dictae vicariae debitis et consuetis ita quod praefati abbas et conventus dicti monasterii et eorum procuratores in Anglia immunes sint in perpetuum a solutione xv solidorum dicto vicario annuatim facienda quos dictus vicarius per ordinationem bonae memoriae r[oberti] praedecessoris nostri consuevit percipere Procuratio autem archidiaconi ad dictum abbatem et conventum vel eorum procuratorem cum omnibus oneribus prius debitis et consuetis in posterum spectabit Synodalia vero et alia onera quae prius ad dictam vicariam spectabant dictus vicarius qui pro tempore fuerit more prius solito sustinebit Ut autem haec nostra ordinatio perpetuae firmitatis robur obtineat sigillum nostrum una cum sigillo praedicti domini Wintoniensis praesenti scripto duximus apponendum Datum apud Sarum die lunae proxima post festum S Gregorii mense Martio anno gratiae m cc xlvii pontificatus nostri anno primo

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.