Notum sit omnibus quod cum inter dominos Robertum thesaurarium Sarum et Robertum de Beauuer canonicum Sarum rectorem ecclesiae S Thomae civitatis Sarum super petitione et retentione quorundam cereorum de corporibus defunctorum provenientium qui in cimiterio majoris ecclesiae Sarum ecclesiasticam eligerint sepulturam quaestionis materia verteretur quo magis litis extinguerentur discrimina et inter fratres maxime solidae pacis commoda roborentur dicti thesaurarius et Robertus pure et absolute voluntate quidem spontanea super praemissis petitione et retentione dictorum cereorum ordinationi et dispositioni dominorum Roberti decani et n[icolai] sub decani et w[alteri] succentoris se totaliter submiserunt Qui habito capituli sui et aliorum prudentum consilio in hunc modum ordinaverunt videlicet quod si quis parochianus dicti Roberti vel in ipsius parochia quicunque decesserit et apud majorem ecclesiam sepulturam elegerit si duo tantum cerei ad ipsius exequias fuerint ordinati licet primam missam in parochiali ecclesia habuerit illi duo cerei una cum corpore ad ecclesiam venient majorem et ibidem absque qualibet contradictione manebunt Si quidem quatuor cerei circa corpus et funus ipsius disponantur duobus tantum apud parochialem ecclesiam praedicti Roberti remanentibus licet prius ibidem missarum sollemnis celebrentur caeteri una cum corpore ad majorem ecclesiam venient et morabuntur ibidem Si vero ultra quatuor quotcunque cerei circa corpora praedicta ordinentur duobus tantum cereis retentis caeteri quotcunque fuerint licet prima missa in sua fiat ecclesia sine aliqua retentione cum corpore ad majorem ecclesiam omnes venient et morabuntur ibidem Hoc proviso quod si quis parochianus vel parochiana pauperis conditionis adeo quod ad sepulturae exequias sollemnitatem non habeat cereorum et idem rector de gratis honoris causa et devotionis ad conducendum corpus cereos voluerit invenire missarum in majori ecclesia adimpletis sollemnitatibus ad dictum revertentur rectorem absque contradictione thesaurarii praedicti Hujusmodi vero ordinatione publicata partes se observaturas suis temporibus fideliter promiserunt Ad fidem vero et memoriam hujus rei una pars ordinationis praedictae in thesauraria sub sigillis ordinatorum remanebit alia quidem modo simili consignata penes rectorem praedictum morabitur ita tamen quod altera pars signum alterius partis habeat penes ipsum Haec autem ordinatio facta fuit in capitulo Sarum die S Edwardi regis et martyris anno Domini m cc xlvii His testibus domino r[oberto de Hertford] decano r[oberto de Careville] thesaurario Nicholao [de Laking] sub decano w[altero de la Wile] succentore t[homa] de la Wile r[oberto] de Beauuer R Foliot canonicis Sarum R sub thesaurario Thoma de Malmesbure vicario domini episcopi J de Herbir Salomone de Ambesbire J de Treubrige J de Northwych W Baudry [] vicariis Sarum n[icholao] de Sancto Quintino N de Stures Alano capellano

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.