Universis Christi fidelibus praesentes literas visuris vel audituris Willelmus miseratione divina Sarum ecclesiae minister humilis salutem in plenitudine caritatis Inter caetera quae cordi nobis inerant et nostrae sollicitudini incumbebant olim dolenter perpendimus ecclesiam nostram cathedralem Sarum circa luminarium administrationem defectum habere eo quod prout talem ecclesiam deceret circa majus altare et alibi in ecclesia non ministrabatur luminarium portio nostrae conveniens voluntati neque cereorum numerus nobis gratus Cui quidem defectui compassionis animum inclinantes de nostro proprio ad honorem et laudem Dei et sanctae Mariae Virginis et omnium sanctorum pro remissione peccatorum nostrorum dictum defectum supplere et cereorum numerum augere providimus et disposuimus in hunc modum videlicet quod nos cum domino Roberto thesaurario super statu thesaurariae et consuetudine ipsius tractantes per communem nostrum et dicti thesaurarii consensum providimus et capituli nostri accedente assensu quod si ducentas libras cerae impenderemus thesaurariae nostrae administratio luminis in singulis posset ministeriis duplicari Propter quod providimus de dicti thesaurarii et nostri capituli assensu quod dominus R thesaurarius Sarum qui se et thesaurariam Sarum de nostro et capituli nostri consensu obligavit et ipsius successores in dicta thesauraria futuris temporibus praeficiendi suis sumptibus et expensis dicti luminaris administrationem et cereorum portionem tam circa majus altare quam alibi duplicare tenentur ut singulis diebus ferialibus profestis necnon et duplicibus tantum impendere et administrate debent ultra illam duntaxat portionem quam secundum consuetudinem ecclesiae ante praesentem ordinationem thesaurarii impendebant quantum primitus ministrabant ut per hanc nostram ordinationem perpetuis temporibus duraturam sine diminutione in singulis ministeriis luminarium quantitas duplicetur Nos quidem credentes per aestimationem de consensu thesaurarii et capituli factam per praedictas ducentas libras cerae dictum augmentum posse suppleri ducentas cerae libras de nostra warderoba singulis annis in festo S Michaelis in dicta thesauraria promittimus assignare quousque per nos in loco certo tantum annui redditus providerimus ut de ipso redditu dictae cerae portio valeat provenire nihilominus tamen per praedictas ducentas libras dictus thesaurarius dictam duplicationem supplebit Et ei nos aut successores nostri dictum luminare augmentare voluerint tam antique consuetudine antiqui luminis quam nostro duplicato augmento in suo robore duraturis subsequens nostra et successorum nostrorum circa luminarium augmentationem devotio augeatur [sed p] per hoc prioris consuetudinis et nostrae institutionis liberalis collatio nullatenus minoretur Quod si in cerae assignatione cessatum fuerit et in redditus provisione per nos aut successores nostros quos de consensu capituli nostri ad assignationem dictae cerae in dicta thesauraria a termino constituto [volumus obligari] nisi per nos in vita nostra provisio dicti redditus compleatur volumus quod dicta thesauraria ad dictum supplementum nullatenus teneatur In hujus rei fidem huic scripto cyrogrophato sigillum nostrum domini Roberti decani et capituli Sarum et domini Roberti thesaurarii ejusdem sunt appensa Hujus rei sunt testes dominus Robertus [de Hertford] decanus Sarum magister Radulfus de Hegham cancellarius magister G de Bingham archidiaconus Dorcestre magister Nicholaus [de Selby] archidiaconus Wiltes domini n[icholaus de Laking] subdecanus W de la Wile succentor magistri Radulfus de Eboraco Rogerus de la Grene domini Herbertus de Bedewinde Thomas de la Wile Robertus de Beauuer Robertus Foliot canonici Sarum Datum apud Sarum die Veneris proxima ante festum S Michaelis anno Domini m cc liv

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.