Omnibus Christi fidelibus praesens scriptum visuris vel audituris r[obertus de Hertford] decanus et capitulum Sarum salutem aeternam in Domino Noveritis nos divinae caritatis intuitu dedisse et concessisse domino Rogero de Mera capellano vicariam ecclesiae nostrae de Porstok quae taxata est hoc modo videlicet quod dictus Rogerus capellanus percipiet quaecunque pertinent ad dictam ecclesiam cum capellis suis quocunque modo censeantur praeter decimas garbarum et feni et praeter terram et tenentes et eorum redditus et fenum de proprio prato et domos ad dictam ecclesiam spectantia Percipiet vero dictus vicarius decimas lini et canabi ubicunque crescant et decimas molendinorum dictae parochiae et mortuarium et decimam feni de Ullecumbe Ita tamen quod dictus vicarius sustinebit omnis onera ordinaria et extraordinaria dictam vicariam suam contingentia et solvet unam marcam argenti abbati et conventui de Cerne pro capella de Middletone nomine cujusdam compositionis initae inter dictos abbatem et conventum ex una parte et decanum et capitulum Sarum ex altera super quibusdam decimis infra limites dictae capellae sitis Sustinebit etiam dictus vicarius omnia onera praedictae ecclesiae cum suis capellis dictos decanum et capitulum contingentia in coopertura cancelli in libris vestimentis et aliis necessariis ad divinum cultum pertinentibus Concessimus autem dicto vicario illam aream ad inhabitandum quae jacet inter horreum nostrum in dicta villa de Porstok et semitam quae est juxta domum Hervici Juvenis cujus longitudo extendit a vico versus orientem usque ad croftum nostrum Et ut haec nostra donatio et concessio perpetuae firmitatis robur obtineat praesenti scripto sigillum autenticum duximus apponendum Datum apud Sarum per manum magistri Radulfi [hecham] cancellarii nostri in crastino beati Thomae martyris anno Domini m cc quinquagesimo quinto Et sciendum quod dictus vicarius et successores sui respondebunt pro praedictis decano et capitulo archidiacono loci de procuratione dictam ecclesiam contingente

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.