In nomine Patris et Filii et Spiritus Sancti Amen Ecclesia Sarum per mortem bonae memoriae domini aegidii ipsius ecclesiae episcopi pastoris solatio destituta et corpore ejusdem episcopi tradito sepulturae petita juxta regni consuetudinem et obtenta licentia a domino rege ad eligendum episcopum et pastorem ecclesiae memoratae dies Sancti Vincentii anno Domini m cc lx secundo praefixa fuit a decano et capitulo Sarum ad eligendum episcopum Omnibus vocatis qui voluerunt debuerunt et potuerunt commode interesse in ecclesia Sarum invocata Spiritus Sancti gratia placuit omnibus concorditer per viam compromissi provideri praedictae ecclesiae viduatae et sic communi voluntate omnium et singulorum fuerunt electi seu deputati quatuor de collegio fidedigni videlicet dominus r[ob de Careville] thesaurarius magister E de Bruges W Scamel et M de Lytleburia quibus communiter et concorditer ab omnibus fuit collata potestas ut vice omnium providerent praedictae ecclesiae viduatae de episcopo et pastore de corpore videlicet collegii memorati ut is quem illi quatuor vel major pars illorum eligerent in episcopum et pastorem ab omnibus reciperetur et approbaretur sine contradictione Qui habito inter se tractatu diligenti concorditer consenserunt in dominum W de la Wyle succentorem et canonicorum ecclesiae praenotatae eligendum sub hac forma nos r[obertus] thesaurarius Sarum E de Bruges W Scamel M de Lytleburia canonici Sarum electi sive deputati a praedicto decano et capitulo Sarum et potestate ab eis in non collata ut nos vice omnium provideamus ecclesiae viduatae de episcopo et pastore consentimus concorditer in dominum W de la Wyle succentorem et canonicum ecclesiae Sarum virum honestum providum et discretum Deo et ecclesiae devotum sufficienter litteratum in temporalibus et spiritualibus circumspectum scientem et valentem ecclesiae jura tueri eligendum in Sarum episcopum et pastorem dantes potestatem thesaurario memorato ut vice omnium et nostra ipsum succentorem eligat in Sarum episcopum et pastorem Idem vero thesaurarius dictum dominum W succentorem elegit sub hac forma in nomine Patris et filii et Spiritus Sancti Amen Ego Robertus thesaurarius Sarum potestate mihi collata eligendi dominum W de la Wyla succentorem et canonicum Sarum in pastorem et episcopum Sarum vice mea et omnium eligo dominum W de la Wyla succentorem et canonicum Sarum in Sarum episcopum et pastorem In hujus rei fidem et certitudinem pleniorem huic praesenti decreto apposita sunt sigilla capituli Sarum domini R decani Sarum insuper sigilla dominorum Roberti thesaurarii Sarum E de Bruges Walteri Scamel M de Litlebure

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.