Reverendo in Christo patri et domino semper venerando domino b[onifacio] Dei gratia Cantuariensi archiepiscopo totius Angliae primati sui humiles et devoti R decanus et capitulum Sarum salutem et cum subjectione debita devotum reverentiae famulatum Ecclesia nostra Sarum per mortem bonae memoriae aegidii ipsius ecclesiae episcopi pastoris solatio destituta ipsius corpore tradito sepulturae petitaque a domino rege et obtenta licentia eligendi ad providendum ecclesiae nostrae de pastore futuro ad ecclesiam nostram omnes canonicos qui deberent vellent et possent commode interesse legitime fecimus evocari ac omnibus qui voluerunt et potuerunt interesse in ecclesia nostra die beati Vincentii martiris congregatis invocata Spiritus Sancti gratia placuit nobis unanimiter ecclesiae nostrae viduatae per viam compromissi de futuro pontifice provideri et sic elegimus quatuor de collegio nostro fidedignos scilicet dominum thesaurarium M de Lytlebure et magistros Emericum de Bruges et W Scamel quibus plenam commisimus eligendi potestatem ut vice nostra ecclesiae nostrae viduatae de pastore providerent qui inter se habito diligenti tractatu dominum W succentorem et concanonicum nostrum virum honestum providum et discretum in spiritualibus et temporalibus circumspectum in episcopum et pastorem Sarum ecclesiae elegerunt prout ex forma decreti super hoc confecti constare poterit evidentur Quare paternitati vestrae supplicamus humiliter et devote quatenus electionem ipsius dignemini confirmare Ad confirmationem vero dictae electionis vice nostra a paternitate vestra petendam dominum Ricardum de Cerdestok ecclesiae nostrae Sarum vicarium et magistrum W de Perham vel eorum alterum quos vel quem ad praesentiam vestram venire contigerit procuratores nostros facimus constituimus et concorditer ordinamus ratum habentes et firmum quicquid per praedictos procuratores vel eorum alterum super praemissis fuerit procuratum Et quod huic procurationi fides adhibeatur praesentes litteras sigillo capituli nostri fecimus sigillari Data Sarum viii kal Februarii anno praedicto

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.