Anno ab incarnacione domini millesimo centesimo vigesimo quinto Willelmus prior et conventus ecclesie sancte Marie Tuttesbir[] dedit Willelmo filio Herberti Norberiam in feodo sibi et heredibus suis per centum solidos reddendos uno quoque anno quinquaginta solidos in annunciacione sancte Marie et alios quinquaginta in festivitate sancti Michaelis pro homagio suo Et si submonitus fuerit a priore intererit placitis et negociis ecclesie in provincia Tuttesbir[] Et si dominus Tuttesbir[] de capcione corpus suum redimerit vel primogenitam filiam maritaverit vel honorem suum reemerit et prior Tuttesbir[] ad hec predicta ei auxilium concesserit tunc Willelmus aut heres ejus priori competens auxilium secundum feodum suum exhibebit Et si prior et conventus aliquam terram emerit supradictus Willelmus seu heres ejus secundum feodum suum competens auxilium faciet Et si ipse Willelmus aut heres ejus predictam firmam statutis terminis non reddiderit justicietur Et si non potuerit justiciari et firmam retinuerit prior faciat tunc Norberiam saisari Et postea secundum judicium curie prioris juste tractetur Willelmus aut heres ejus Et quando Willelmus obierit heres ipsius relevet suum feodum a priore et conventu Preter hec autem pro decima domini et pro duabus bovatis terre decime pertinentibus dabit Willelmus aut heres ejus singulis annis quinque solidos predictis terminis Propter hanc concessionem dedit Willelmus priori et monachis unum modium frumenti Hujus convencionis sunt testes Robertus episcopus et pluribus aliis

Source Fulltext: The Cartulary of Tutbury Priory. Royal Commission on Historical Manuscripts Joint Publication, 2. A. Saltman. Collections for a History of Staffordshire. H.M.S.O. London. 1962.