Sciant presentes et futuri quod ego Amilia de Wodeton filia Hereberti de Sibbeton[] in ligia potestate mea dedi et concessi et hac presenti carta mea confirmavi pro me et heredibus meis deo et ecclesie Beati Johannis apostoli et Evangeliste de Haghmon[] et canonicis ibidem deo servientibus in liberam puram et perpetuam elemosinam pro salute anime mee et antecessorum meorum unam nocam terre cum mesuagio et crofto et omnibus aliis pertinentiis suis in villa de Aston illam quam Hunyth filia Tudor aliquando tenuit in eadem villa quod mesuagium situm est inter domum Yewan filii Wronou ex una parte et domum Eynon Voile ex altera una cum quinque seilionibus infra croftum dictorum canonicorum que iacent inter domum meam et moram Concessi eciam et tenore presencium confirmavi supradictis canonicis et eorum successoribus licenciam capiendi marlam in communi marlaria nostra de Hideslonde quotienscumque et quandocumque voluerint ad proprias terras suas in partibus illis marlandas quas ipsimet colunt sine omni contradiccione seu perturbacione mei vel heredum meorum Habendum et tenendum de me et heredibus meis sibi et successoribus suis imperpetuum libere integre et quiete ab omnibus serviciis demandis consuetudinibus sectis curiarum ita libere et quiete sicut aliqua elemosina liberius et quiecius dari poterit vel retineri Hiis testibus domino Johanne filio Philippi Hugone filio eius Ricardo de Drayton Thoma filio Philippi Wellelmo le Kynge et aliis

Source Fulltext: The Cartulary of Haughmond Abbey. Una Rees. Shropshire Archaeological Society and Univ. of Wales Press. Univ. of Wales Press. Cardiff. 1985.