Sciant presentes et futuri quod ego Eadmundus de Lascy constabularius Cestrie pro salute anime mee et pro salute anime patris mei et omnium antecessorum et heredum meorum concessi et hac presenti carta mea confirmavi deo et ecclesie sancti Johannis Apostoli et Evangeliste de Pontefracto et monachis meis ibidem deo servientibus in liberam puram et perpetuam elemosinam cartam domini Johannis de Lascy patris mei et omnes libertates et ecclesias terras redditus possessiones et omnia que antecessores mei Robertus de Lascy fundator ejusdem ecclesie et Henricus de Lascy et Rogerus de Lascy avus meus et alii fideles prefate ecclesie et prefatis monachis contulerunt et cartis suis confirmaverunt Et insuper concessi et hac presenti carta mea confirmavi predicte ecclesie et predictis monachis totam villam de Bernessette[] cum omnibus pertinentiis suis in bosco et plano in pratis et pascuis et pasturis moris et mariscis et in omnibus libertatibus et aisiamentis ad dictam villam de Bernessette[] pertinentibus et duas bovatas terre in Merchisdene quas habent ex dono Willelmi de Vescy[] cum omnibus pertentiis suis et quicquid habent utrobique ex dono prenominati patris mei tenend et habend prenominatis monachis meis in puram et perpetuam elemosinam liberam et quietam ab omni seculari servitio consuetudine exactione impositione et ab omni secta et ab omni demanda et ab omni re servili sine aliqua contradictione gravamine vel impedimento mei vel heredum meorum vel alicujus alterius per nos vel pro nobis imperpetuum Et in omnium predictorum testimonio presenti scripto tam pro me quam pro heredibus meis sigillum meum apposui Datum apud Rowell pridie Idus Maie anno gracie m cc l octavo Hiis testibus domino Hugone dispensatore domino Ricardo Folyot domino Gaufrido de Duttona domino Ada de Novo Mercato domino Johanne de Hoderode tunc senescallo Pontisfracti domino Roberto de Sancto Andrea domino Rogero Pictavensii [] domino Francone Teutonico domino Henrico Walens domino Osberto tunc rectore ecclesie de Silkistona Henrico rectore ecclesie de Normanthona Roberto Noel Ricardo de Hermitagio et aliis multis

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.