Hec est convencio facta inter Thomam Fabrum rubens de Albo Monasterio ex una parte et Ricardum de Camera ex altera videlicet quod predictus Thomas inpignoravit dicto Ricardo sex acras terre in campo de Aston illud scilicet quod iacet inter terram Lohart filii Hauw ex una parte et terram Wihon[] filii Tudir ex altera et extendit unum capud usque rivulum qui vocatur Aberegof aliud vero capud usque regiam viam que ducit per mediam villam de Aston Quarum vero prima acra vocatur eron eclauit en ewenn de Aston alia vero vocatur eron erhorcet goh[] epanhit tercia vero vocatur eron ecernin enherdir quarta vero vocatur eron edrehef Crokemore quinta vero vocatur eron epanhint sexta vero vocatur eronhechan Wen pro quatuor libris argenti quas mihi solvit premanibus usque terminum viginti annorum incipiente ad festum Sancti Michaelis anno regni Regis Edwardi sexto Habendum et tenendum de me et heredibus meis predicto Ricardo et heredibus suis vel suis inde assignatis libere quiete plene et rite sequencium completorum usque ad predictum terminum finito vero termino predicto si dictus Thomas vel heredes sui predictas sex acras terre et dictum mesuagium cum edificacione super illud edificata acquietare voluerint solvebunt dicto Ricardo et heredibus suis predictas quatuor libras una cum custo dicte edificacionis Sin autem predictas sex acras terre cum dicto mesuagio predicto Ricardo vel heredibus suis remanebunt quousque dictus Thomas vel heredes sui acquietare poterint Hiis testibus Rogero Extraneo tunc temporis Senescallo et aliis t

Source Fulltext: The Cartulary of Haughmond Abbey. Una Rees. Shropshire Archaeological Society and Univ. of Wales Press. Univ. of Wales Press. Cardiff. 1985.