Omnibus Christi fidelibus presens scriptum visuris vel audituris Ricardus Comes Arundell[] salutem in domino Noveritis nos cartam Johannis partris nostri inspexisse in hec verba Sciant presentes et futuri quod ego Johannes filius Alani tercius dominus Arundell dedi et concessi et hac presenti carta mea confirmavi deo et monasterio sancti Johannis Apostoli et Evangeliste de Haghmon et canonicis ibidem deo servientibus pro salute anime mee et pro animabus predecessorum meorum in puram et perpetuam elemosinam molendinum illud quod dicitur Benetmille cum aquis stagnis ripis bayis et cum secta maneriorum meorum de Nesse Schrewardyn et Mone ford et cum omnibus pertinentiis et approwiamentis et comoditatibus ad ipsum molendinum spectantibus vel imposterum spectandis Ita quod nec ego nec aliquis heredum meorum novum molendinum in dictis maneriis construemus vel levabimus nec aquam a suo solito cursu divertemus in nocumentum et dispendium dictorum virorum religiosorum cum meremio de bosco mea de Nesse per visum forestariorum meorum capiendo ad dictum molendinum reparandum cum pertinentiis suis quociens opus fuerit ad novum molendinum construendum si necesse fuerit cum terra et turba de solo meo ad stagnum reparandum quociens reparacione indigebit Dedi eciam eisdem novem solidatos redditus annui de villa de Mulforde percipiendos sicut ego consuevi ad duos anni terminos scilicet ad festum sancti Michaelis quinque solidos et in festo Annunciacionis beate Marie quatuor solidos et concedo quod dicti religiosi tenentes videlicet Hugonem Juniorern de Scherewardyn Ricardum filium Agnetis Adam fratrem eius Johannem Fabrum et eorum heredes vel eorum inde assignatos in villa de Mulford[] pro voluntate eorum distringant si redditus non fuerit suis terminis solutus sine impedimento mei vel heredum meorum seu ballivorum meorum Preterea dedi dictis viris religiosis totam terram illam et ius quod pater meus emit de Amilia filia Hereberti de Sybiton in Hydeslond et Aston et Wodeton et Meresburyl cum omnibus suis pertinentiis Confirmavi eciam eisdem viris religiosis totam terram suam quam habent in villis supradictis Et libertati donavi eandem ab secularibus exaccionibus omnibus et singulis et maxime a quadam libra cymini quam Rogerus de Sybiton percipere consuevit de eadem terra a quo cymino ego eosdem viros religiosos liberabo et indempnes conservabo Habendum et tenendum omnia supradicta cum omnibus pertinentiis suis et libertatibus et liberis consuetudinibus de me et heredibus meis dictis viris religiosis et eorum successoribus in perpetuum libere quiete et pacifice in viis semitis in pratis et pascuis in moris et marleriis et turbariis Remisi eciam eisdem viris religiosis pro me et pro heredibus meis illam servitutem que dicitur Kilh quam facere consueverunt satellitibus meis una cum illa servitute que dicitur Strewarde de terris quas tenent in dominico de dicto tenemento videlicet de una noca terre quam Henricus filius Willelmi de Wodeton tenuit in eadem villa et de dimidia noca terre in eadem quam Yewyn[] Seys filius Henrici tenuit et de dimidia noca quam Yarefordel frater eius tenuit in eadem et de una noca quam Wrenoul filius Griffini tenuit in eadem et de una noca quam Ithell frater eius tenuit in eadem et de una noka quam Kenwreyk[] filius Wrotherich tenuit in Hideslonde et de una quam Emyn filius Meyron tenuit in Aston et de una noca quam Hunnyt filia Tuderl tenuit in eadem et de dimidia noca quam Wyn filius Meurich tenuit in eadem et de duabus partibus unius noce quas Thomas Rufus Faber et Daykin nepos suus quoque tenuerunt in eadem et de dimidia noca quam Philippus filius Ithel quoque tenuit in eadem et de dimidia noca quam Eynon Andreu quo que tenuit in eadem et de dimidia noca quam Wrenoull frater eius tenuit in eadem Omnia autem supradicta concessi eis libera et pura ab omnibus consuetudinibus terrenis auxiliis operacionibus tallagiis exercitubus causis et placitis et ab omni exaccione seculari et demanda Hiis testibus Dominis Johanne extraneo Viviano de Roshale Quas quidem donaciones concessiones et remissiones omnes et singulas cum omnibus predictis et prenotatis et eorum pertinenciis pro salute anime nostre et Alesye comitisse consortis nostre defuncte et omnium antecessorum nostrorum dictis viris religiosis de Haghmon et eorum successoribus in liberam puram et perpetuam elemosinam ratificamus et confirmamus inperpetuam sicut aliqua elemosina liberius recipi poterit aut donari In cuius rei testimonium huic presenti scripto sigillum nostrum apposuimus Hiis testibus Dominus Johanne extraneo quinto

Source Fulltext: The Cartulary of Haughmond Abbey. Una Rees. Shropshire Archaeological Society and Univ. of Wales Press. Univ. of Wales Press. Cardiff. 1985.