Hugo miseracione divina Coventrensis episcopus omnibus tam clericis quam laicis per episcopatum Coventrensem constitutis salutem gratiam et benediccionem Cum sit opus pietatis locis religiosis salubriter providere nos ex pastoralis sollicitudinis officio nobis divinitus collato domum religiosam Sancti Johannis apostoli et evangeliste de Haghmon[] tanquam filiam specialem in nostra proteccione suscepimus attendentes itaque religionem et pauperatem domus illius universitati vestre notum fieri volumus nos concessisse predicte domui et canonicis ibidem deo servientibus ecclesiam de Scawbury cum capellis et omnibus aliis pertinentiis suis ad perpetuam concessionem Roberti filii Nigelli domini fundi in puram et perpetuam elemosinam Concessimus eciam eisdem canonicis ecclesiam de Chesewordin cum omnibus pertinentiis suis ad perpetuam concessionem Johannis Extranei in perpetuam elemosinam Ita quidem quod canonici predicti nobis et successoribus nostris capellanos idoneos[] ad easdem ecclesias presentabunt qui de manu episcopali curam animarum recipiant et ecclesiis ipsis deservient eisque congruam sustentacionem iuxta morem patrie et facultates ecclesiarum de fructibus earum assignabunt Totum autem residuum ad usus proprios et hospitum recepcionem eis inperpetuum concessimus retinendum salvo nobis et successoribus nostris iure episcopali et parochiali Act[] apud Lich[] in crastino Sancti Clementis anno quo Rex Anglie Ricardus Jerl[] profectus est presentibus R archideacono Cestr[] A archideacono Stafford[] R Archideacono Salop[] Magistro Roberto de Salop

Source Fulltext: The Cartulary of Haughmond Abbey. Una Rees. Shropshire Archaeological Society and Univ. of Wales Press. Univ. of Wales Press. Cardiff. 1985.