Hec est finalis concordia facta in curia domini regis apud Westmonasterium die Martis in festo sancti Leonardi anno secundo regni regis Ricardi coram Willelmo Eliensi episcopo apostolice sedis legato et domini regis cancellario et Ricardo Londoniensi episcopo domini regis thesaurario et Galfrido filio Petri et Hugone Bardolf et Roberto de Whitefeld et Symone de Pateshull et magistro Thoma de Husseburna et Hugone Pipard et coram aliis baronibus et fidelibus domini regis ibidem tunc presentibus inter henricum de Percy et Willelmum Anguillum et Sarram de Bendevill uxorem ejus Hugonem de Bolton et Basiliam uxorem suam filiam stephani de Dammartin de tota terra in Cissacch cum pertinenciis quam predicta Sarra de Bendeuill clamat sicut racionabilem dotem suam ex dono Stephani de Dammartin viri sui versus prefatum Henricum de Perci et quam terram prefata Basilia uxor Hugonis de Bolton filia Stephani de Dammartin clamat sicut jus et hereditatem versus eundem Henricum de Perci Unde placitum fuit inter eos in curia domini regis scilicet quod predicti Willelmus Aguillum et Sarra de Bendevill uxor sua et Hugo de Bolton et Basilia uxor sua filia Stephani de Dammartin clamaverunt quietam totam predictam terram de Eissart cum pertinenciis de illis et de heredibus eorum prefato Henrico de Perci et heredibus suis imperpetuum Et pro hac quieta clamacione et hoc fine et concordia prefatus Henricus de Perci dedit prenominatis Willelmo Aguillum et Sarre uxori sue et Hugoni de Bolton et Basilie uxori sue xxx ta marcas argenti

Source Fulltext: Percy Cartulary. M. T. Martin. Surtees Society, V.117. Surtees Society. Andrews & Co. Durham. 1911.