Universis sancte matris ecclesie filiis tam presentibus quam futuris Willelmus de Yrebi salutem Noverit universitas vestra me caritatis intuitu et pro anima domini Johannis regis et pro animabus omnium antecessorum et successorum meorum et pro salute anime mee dedisse concessisse et hac presenti carta mea confirmasse Deo et beate Marie Magdalene de Lanrecost et canonicis ibidem Deo servientibus communem pasturam ad animalia sua universa et hominum suorum de Hareschov per omnia montana de Glassaneby et Gamelesby cum hominibus meis de eisdem villis extra terras lucrabiles in escambio illius bosci de quo contentio aliquando inter nos fuit scilicet totius bosci inter Ragile et Glentrest versus meridiem usque ad capud de Glentrest habend et tenend sibi in perpetuum in liberam puram et perpetuam elemosinam Et ego et heredes mei warantizabimus prenominatis canonicis pasturam prenominatam prout supradictum est contra omnes homines inperpetuum Hiis testibus Roberto de Vall[] Huberto filio eius Thoma filio Johannis tunc temporis vicecomite Cumbr[] Ricardo de Leuington[] Thoma filio Thome Eudone de Karl[] Radulfo de Feritate Gilleberto filio Gilleberti Roberto filio Willelmi Roberto de Leueresdale Roberto de Denton[] Johanne fratre eius Alano Buche Alano de Cumrev[] Johanne de Hyrtington clerico et aliis

Source Fulltext: Lanercost Cartulary. J. M.Todd. Cumberland and Westmorland Antiquarian and Archaeological Society Record Series, V.11. Surtees Society. Athenaeum Press. Durham. 1997.