Sciant presentes et futuri quod ego Willelmus filius Iohannis Long dedi et concessi et omnino quietum clamavi pro me et heredibus [meis] Gilberto filio Walteri de Halstede totum rectum quod habui vel habere potui in uno mesuagio cum pertinentiis in villa de Halstede quod iacet inter terram Gilberti aurifabri et terram Nicholai Nigri unde unum capud abuttat super regale cheminum et aliud super terram predicti Nicholai habendum et tenendum de me et heredibus meis illi et heredibus suis bene et in pace libere et quiete et hereditarie reddendo inde annuatim domui hospitalis sancti Iohannis de Mapeltrestede quinque denarios ad festum sancti Michaelis in puram et perpetuam elemosinam et michi et heredibus meis ille et heredes sui vel eius assignati unum clavum gillofre scilicet ad Pascha pro omnibus serviciis consuetudinibus et demandis Pro hac autem concessione et quieta clamacione dedit michi predictus Gilbertus duos solidos argenti premanibus Et ego predictus Willelmus et heredes mei warantizabimus predicto Gilberto et heredibus suis vel suis assignatis totum predictum mesuagium cum pertinentiis per predictum servicium contra omnes gentes Et ut hoc sit firmum et stabile et sine dolo huic presenti scripto sigillum meum apposui Hiis testibus Albrico filio Petri Iohanne filio Willelmi Willelmo de Besford[] Willelmo marescallo Gilberto aurifabro Roberto filio suo Iohanne clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.