Omnibus hoc scriptum visuris vel audituris Beatrix filia Roberti Fabri de Walton salutem in Domino Noveritis me spontanea voluntate et in libera potestate mea non metu coactam nec aliquo dolo inductam concessisse remisisse et quietumclamasse religiosis viris priori et conventui de Lanrecost[] totum jus et clamium si que habui vel habere potero in terris de Cumquencath[] et de Garthes Ita quod ego vel heredes mei vel aliquis in nomine nostro in dictis terris seu aliqua parte earundem quacunque ratione vel titulo nullum jus vel clamium exigere poterimus vel vendicare inperpetuum Et ne contra dictam quietamclamationem venire vel facere valeam corporale prestiti juramentum quod in dictis terris vel in aliqua parte earum nunquam jus vel clamium exigam vel vendicabo nec dictos religiosos super prefatis terris per memetipsam seu quencunque alium vel aliam in posterum inquietabo In cuius rei testimonium presenti scripto sigillum meum apposui Testibus dominis Hugone de Multon[] Huberto de Multon[] militibus Ada de Vluesby tunc senescallo Gillesland[] Hugone de Talkan Roberto de Lamora Thoma de Birkinside Willelmo de Thurganby et aliis Datum apud Lanrecost[] die sancti Thome apostoli anno regni regis Edwardi filii regis Henrici vicesimo primo

Source Fulltext: Lanercost Cartulary. J. M.Todd. Cumberland and Westmorland Antiquarian and Archaeological Society Record Series, V.11. Surtees Society. Athenaeum Press. Durham. 1997.