Omnibus Christi fidelibus hoc scriptum visuris vel audituris Adam de Farlam filius Walteri de Wyndesouer[] salutem in Domino Noveritis me confirmasse et pro me et heredibus meis per presens scriptum inperpetuum quietumclamasse viris religiosis priori et conventui de Lanrecost[] omnes terras et tenementa cum suis pertinenciis que ipsi tenuerunt seu habuerunt die confectionis huius scripti in magna Farlam apud Clouesgyle et juxta Clouesgile ex utraque parte aque de Clouesgyle et si aliquod jus in predictis terris et tenementis aliquo tempore habui illud totum eisdem dedisse et totaliter remisisse Ita videlicet quod ego Adam vel heredes mei seu aliquis nomine nostro in predictis terris et tenementis cum suis pertinenciis vel in aliqua parte eorundem nullum jus vel clamium inposterum exigere poterimus vel vendicare Et ego et heredes mei omnia predicta predictis religiosis warantizabimus ac inperpetuum defendemus In cuius rei testimonium presenti scripto sigillum meum apposui Testibus dominis Roberto de Feritate Hugone de Multon[] Huberto de Multon[] militibus Roberto de Crogelyn Waltero de Bampton[] Johanne filio johannis de Denton[] Ricardo de Sirer[] Ada de Leuington[] johanne de Tylliolf[] Roberto de Vallibus de Treuerman Hugone de Talkan Willelmo de Montibus Willelmo de Newby Thoma de Birkinside et aliis Datum apud Lanrecost[] die sancti Johannis apostoli infra natale Domini anno regni regis Edwardi vicesimo primo

Source Fulltext: Lanercost Cartulary. J. M.Todd. Cumberland and Westmorland Antiquarian and Archaeological Society Record Series, V.11. Surtees Society. Athenaeum Press. Durham. 1997.