Hec est finalis concordia facta in curia domini regis apud Rading[] in crastino animarum anno regni regis Henrici filii regis Johannis vicesimo sexto coram Willelmo de Ebor preposito Beverl[] Johanne abbate de Abendon[] Rogero de Thurkelby et Gilberto de Preston justic[] itinerantibus et aliis domini regis fidelibus tunc ibi presentibus inter Robertum Basset querentem et Radulfum Basset deforciantem de consuetudinibus et servitiis que idem Robertus exigebat de predicto Radulfo de libero tenemento suo quod de eo tenet in Blebir[] unde idem Robertus exigebat ab eo quod redderet ei per annum duodecim solidos sterlingorum pro predicto tenemento quod servitium idem Radulfus ei prius non cognovit et unde placitum fuit inter eos in eadem curiascilicet quod predictus Radulfus recognovit et concessit pro se et heredibus suis quod ipsi decetero reddet singulis annis eidem Roberto et heredibus suis duodecim solidos sterlingorum pro predicto tenemento ad duos terminos scilicet medietatem ad festum beate Mari[e] in Martio et alteram medietatem ad festum sancti Michaelis pro omni servitio et exactione ad predictum Roberum vel heredes suos per[t]inente Et pro hac recognitione concessione fine et concordia idem Robertus remisit et quietumclamavit de se et heredibus suis eidem Radulfo et heredibus suis omnia arreragia predicti servitii et omnia dampna que dicebat se habuisse occasione detentionis predicti servitii usque ad diem quo hec concordia facta fuit

Source Fulltext: Basset Charters c.1120 to 1250. William T. Reedy. Pipe Roll Society, V.88, New Series V.50. Pipe Roll Society. J. W. Ruddock. Lincoln. 1995.