In crastino Sancti Martini et in octabis sancti Martini anno regni regis Edwardi filii regis Henrici sextodecimo assisa venit recognitura quis advocatus tempore pacis presentavit ultimam personam que mortua est ad ecclesiam de Petteworth que vacat et cujus advocacionem prior de Lewes clamat versus Johannem de Vescy custodem terre et heredis Henrici de Percy et unde dicit quod quidam predecessor suus tempore pacis tempore domini Henrici regis patris domini regis nunc ultimo presentavit quendam Gilbertum de Sancto Leophardo clericum suum ad predictam ecclesiam qui ad presentacionem suam fuit admissus et institutus in eadem post cujus cessacionem predicta ecclesia modo vacat Dicit eciam quod ante presentacionem illam quidam predecessor suus tempore pacis et tempore predicti Henrici regis presentavit quendam Johannem Maunsell clericum suum ad predictam ecclesiam qui ad presentacionem suam fuit admissus et institutus in eadem per cujus mortem predicta ecclesia alias vacavit Et Johannes per attornatum suum venit et dicit quod predictus Gilbertus fuit presentatus ad predictam ecclesiam per predecessores predicti prioris tempore guerre et non tempore pacis dum predictus Henricus de Percy fuit in prisona inter duo bella de Lewes et Evesham Dicit eciam quod predictus Johannes Maunsell quem dictus prior dicit presentatum fuisse ad predictam ecclesiam per predecessorum suum fuit presentatus ad eandem ecclesiam tempore pacis per predictum dominum Henricum regem racione minoris etatis predicti Henrici de Percy dum idem Henricus fuit infra etatem et in custodia domini regis Henrici Et quod ita sit ponit se super assisam et prior similiter Ideo capiatur assisa Juratores dicunt super sacramentum suum quod predecessores predicti prioris presentaverunt predictum Gilbertum clericum suum ad predictam ecclesiam ultimo tempore guerre et non tempore pacis inter predicta duo bella Dicunt eciam quod predictus Johannes Maunsell fuit presentatus ad predictam ecclesiam tempore pacis per predictum dominum Henricum regem racione minoris etatis predicti Henrici de Percy et non per predecessores predicti prioris Ideo consideratum est quod predictus Johannes recuperet presentacionem suam ad predictam ecclesiam versus predictum priorem et habeat breve ad episcopum Cicestrensem quod ad presentacionem predicti Johannis ad predictam ecclesiam idoneam personam admittat Et prior in misericordia Et similiter consideratum est quod recuperet quinquaginta marcas per statutum eo quod predicta ecclesia taxatur per juratores ad c marcas de quibus clericis xx marce etc

Source Fulltext: Percy Cartulary. M. T. Martin. Surtees Society, V.117. Surtees Society. Andrews & Co. Durham. 1911.