Universis Christi fidelibus ad quos presens scriptum pervenerit Willelmus miseracione divina Bath et Well episcopus salutem in Dno Ne in contencionis aut questionis scrupulum temporis processu quod agitur labatur et veritate occultata contingat iusticiam falsis calumpniis obumbrari expedit ad facti memoriam rem gestam autenticari scripturarum remedio communiri Ad universorum igitur noticiam volumus pervenire quod nos ad presentacionem dilectorum filiorum abbatis et conventus Glaston rectorum ecclesie de Sowy Adam Wrech clericum ad vicariam ecclesie de Sowy admisimus et perpetuum vicarium canonice instituimus in eadem statuentes et ordinantes de voluntate et assensu predictorum abbatis et conventus quod memorata vicaria consistat in porcionibus subscriptis videlicet in omnibus decimis agnorum vitulorum pullorum aucarum porcellorum et alleorum necnon in omnibus decimis lane lini canabi casei et lactis tam de dominico abbatis et conventus Glaston quam omnium liberorum aliorum et villanorum in parochia de Sowy et in decimis mellis et molendinorum exceptis decimis de molendinis ad equos in curia personatus item in omnibus minutis decimis provenientibus ex gardinis et curtillagiis tocius parochie excepto gardino personatus item in omnibus aliis minutis decimis et omnimodis oblacionibus tam in auro et argento quam in pane cera seu aliis ex quacunque causa ad ecclesiam matricem et capellas eius provenientibus necnon et in omnimodis legatis eidem ecclesie et capellis excepto secundo meliori averio Preterea habebit vicarius qui pro tempore fuerit totam terram eiusdem parochie que erat de dominico personatus ubicunque apud Weston Middilsowy et Otheri exceptis quinque acris videlicet Estlangacr tribus acris in La Mullelond una forherda sub Laungedon et alia foreherda sub La Knolle ad pedes terrarum de dominico abbatis Item habebit idem vicarius omnia prata eiusdem parochie que erant de dominico personatus ubicunque fuerint absque aliqua excepcione Item habebit omnes decimas provenientes de centum quatuor viginti et septemdecim acris pratorum hominum de Otheri Middilsowy et Weston in Langemede et La Benete sub Langedon tam in blado quam in feno Ad hec habebit idem vicarius omnes homines tenentes de ecclesia quos rector habere consueverat cum escaetis et herietis et aliis pertinenciis per omnia tanquam dominus eorundem tam apud Weston quam apud Middilsowy exceptis hominibus ecclesie ex parte occidentali ecclesie de Weston manentibus salvis rectori maioribus decimis et mortuariis de eisdem tenentibus Habebit eciam illud clausum pasture in Weston quod Willelmus de Button quondam rector eiusdem ecclesie inclusum habuit prope Middillak iuxta clausum Nicholai filii Amye de Sowy Item idem vicarius coliget et habebit et solvet denarios beati Petri secundum quod rector consueverat Habebit eciam ipse vicarius illam domum que fuit grangia rectoris apud Othery et mansum capellani de cum crofta adiacente necnon et mansum capellani de Weston cum gardino rectoris correspondente in latitudine et longitudine cum augmento unius perticate eiusdem gardini Idem vero vicarius habebit communam cum omnibus averiis suis in communi pastura et heybot et husbot et furbot in communibus moris sicut liberi homines habent in eadem parochia Habebit eciam idem vicarius omnes decimas de Bulmede et Sydewere totaliter tam in blado quam in feno Faciat autem idem vicarius competenter deserviri tam ecclesie matrici quam capellis per tres ydoneos capellanos residentes cum clericis idoneis et sustinebit omnia onera ordinaria et extraordinaria pro rata exceptis refeccione et construccione cancellorum et procuracione archidiaconali que spectabunt ad rectores Et idem vicarius quietus erit ab omni prestacione cuiuslibet pensionis in perpetuum necnon et a prestacione omnium decimarum tam de dominico terrarum suarum quam pratorum Hec autem statuimus et ordinamus salvis semper nostro et successorum nostrorum et ecclesiarum nostrarum iure et dignitate per omnia In cuius rei testimonium tam nostrum quam dictorum abbatis et conventus Glaston sigilla presentibus sunt appensa Dat Well iiij Non April anno dni millesimo ducentesimo sexagesimo octavo et pontificatus nostri primo

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.