Omnibus Christi fidelibus ad quos presens scriptum pervenerit Walterus dei gratia Eboracensis archiepiscopus Anglie primas salutem in domino Quum qui ferventius Deo vacant merito sunt speciali favore prosequendi eorumque possessiones specialiter protegende ne qui ad aratrum Domini manum mittunt per temporales necessitates retro respicere cogantur nos in dilectis filiis priore et conventu de Pontefracto religionis fervorem et hospitalitatis gratiam contemplantes et ob hoc paci et tranquillitati eorum prospicere cupientes decimas ad ecclesiam omnium sanctorum de Pontefracto pertinentes decimas ville de Dardingtona medietatem decimarum oblationum omnium et obventionum villarum de Notton et de Chivet et partem quandam decimarum ville de Ledestona decimas etiam unius caruce terre in villa de Whitewood cum ceteris bonis eorum tam spiritualibis quam temporalibus que habent in archiepiscopatu nostro sicut ea hactenus pacifice possiderunt eisdem auctoritate pontificali confirmamus et presenti scripto sigilli nostri appositione roborato communimus Testibus domino J Mannie el Insularum episcopo magistris Symone de Evesham Laurentio de Lincolne et Matheo de Cantilupo Willelmo de Vesci Odone de Richemond Roberto de Gray Willelmo Murel Henrico Walensi et Reginaldo de Stowa clerico et aliis Datum apud Patrinton vii Kalendas Octobris Pontificatus nostri anno quintodecimo

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.