Sciant presentes et futuri quod ego Ysabel filia Willelmi Bern in Mea ligia potestate concessi et quietam clamavi de me et de omnibus heredibus meis in perpetuum sacristerie[] sancti Johannis apostoli et evangeliste de Pontefracto illam dimidiam acram terre in campis de Pontefracto quam Jordanus Campio de dono meo et Matilde sororis mee habuit et eisdem monachis in elemosinam contulit que jacet propinquior terre Thome filii Edwini tenend et habend libere et quiete reddendo inde annuatim unum denarium prepositis ejusdem ville ad festum sancti Michaelis pro omni servitio et consuetudine Pro hac autem concessione et quieta clamatione dederunt mihi et Matilde sorori mee prefati monachi tres solidos Et ne ego vel heredes mei unquam contra hoc factum venire possimus hoc scriptum sigillo meo munitum in hujus rei testimonium et confirmationem predictis monachis donavi Hiis testibus Johanne de Birkina Gilberto de Notton tunc senescallo Johannis de Lasci Willelrno filio eius Willelmo capellano Willelmo de Kamesal Roberto clerico [] Willelmo de Daneport Radulpho de Bateley Gilberto filio Hugonis Waltero Scot tunc prepositis Pontefracti [] Willelmo Bele Roberto filio Silver[] Symone de Lewes Symone Butil Johanne filio Michaelis

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.