Hec est conventio facta anno gratie millesimo ducentesimo tricesimo nono ad Nativitatem sancti Johannis Baptiste inter dominum P priorem et conventum de Pontefracto ex una parte et Herveum filium Jordani de Ledestuna ex altera videlicet quod predicti prior et conventus dimiserunt dicto Herveo et heredibus suis novem acras terre in territorio de Ledestuna cum prato ad Arnorthehirst usque ad terminum undecim annorum Illas scilicet quas Katerina[] quondam tenuit [] Et insuper habebit dictus Herveus pasturam unius bovis vel unius vacce in mora ejusdem ville usque ad predictum terminum pro decem solidis argenti annuatim ad hos terminos reddendis Scilicet ad Pentecosten quinque solidis et ad festum sancti Martini quinque solidis pro omni servitio Finito vero termino undecim annorum predicte novem acre terre cum prato suprascripto predictis monachis de predicto Herveo et heredibus suis quiete et solute remanebunt In cujus rei testimonium huic scripto utraque pars sigillum suum apposuit Hiis testibus [] Adam Freman de Ledistona Rogero Pateman Radulfo Freman[] et Jordano de Ledistona Roberto Francisco de eadem et aliis

Source Fulltext: Chartulary of St. John of Pontefract. Richard Holmes. Yorkshire Archaeological Society, V.25. Yorkshire Archaeological Society. Leeds. 1899.